TEHERAN

Irani tha sot se nuk është përcaktuar një datë precize për Rusinë që ta përfundojë punën në stacionin e parë bërthamor iranian në Bushehër. Këto komente të sotme të zëdhënësit të ministrisë së jashtme iraniane, Mohammad Ali Hosseini u bënë pas takimit ndërmjet ministrit të jashtëm Manuher Mottaki dhe kolegut të tij rus Sergei Lavrov. Teherani beson se Rusia është serioze në premtimet për përfundimin e projektit. Uashingtoni ka kërkuar nga Rusia që ta ndalë ndërtimin e stacionit bërthamor në Bushehër, pasi beson se ky projekt është pjesë e synimeve të Iranit për prodhimin e armatimit bërthamor.