ISLAMABAD

Nga shpërthimi i një bombe në një motoçikletë janë vrarë së paku 10 vetë dhe plagosur afro 50 vetë në qytetin pakistanez, Karaçi, ka njoftuar policia. Nuk është e qartë se kush kishte dorë në këtë sulm.
Prej zhvillimeve të tjera në Pakistan, po veçojmë edhe informatën se ushtria e Pakistanit ka bërë të ditur se janë vrarë 23 militantë të dyshuar dhe 7 ushtarë në luftimet afër kufirit me Afganistanin. Ushtria tha se përleshjet arritën kulmin kur militantët i kishin zënë pritën një konvoji ushtarak në veriperëndim të Pakistanit.