Lideri i lëvizjes Vetëvendosje, Albin Kurti është arrestuar sot në shtëpinë e tij në Prishtinë. Në një njoftim të lëvizjes Vetëvendosje thuhet se zoti Kurti është arrestuar nga Shërbimi Policor i Kosovës, me kërkesë të një gjyqtari ndërkombëtar. Arrestimin e ka konfirmuar edhe SHPK-ja. Dje Albin Kurti tha se nuk do të marrë pjesë në seancën gjyqësore të planifikuar për sot. Lëvizja Vetëvendosje konsideron se arrestimi i tij është i motivuar politikisht.
