Një kolonel rezervë në ushtrinë ukrainase ka thënë se luftimet në rajonin rus Belgorod, kanë qenë “mision luftarak i zbulimit”, i nisur nga njësitet e shtetasve rusë, që kanë luftuar në anën e Kievit, prej vitit 2014. Qeveria ukrainase ka thënë se nuk ka asnjë lidhje me incidentin. Zëdhënësi i Kremlinit, Dmitry Peskov, ka thënë më 23 maj se sulmi është nisur nga “luftëtarët ukrainas”. Një inkursion i ngjashëm i armatosur ka ndodhur edhe në mars të këtij viti në rajonin rus, Brajansk. (Përgatitën: Krenare Cubolli dhe Bujar Tërstena)