Ndërlidhjet

"Qindra placenta kutërbojnë në Gjinekologji" fiton çmimin vjetor


Frigoriferë me placenta në Klinikën e Gjinekologjisë në Prishtinë.

Asociacioni i Gazetarëve të Kosovës (AGK) e ka shpërblyer si "Web-storien më të mirë", materialin e Radios Evropa e Lirë për qindra placenta që nuk janë trajtuar si duhet në Klinikën e Gjinekologjisë në Qendrën Klinike Universitare në Prishtinë (QKUK).

Ky material i gazetarit Arton Konushevci dhe kameramanit Arben Hoti, është publikuar më 16 shtator 2021.

Pas publikimit të këtij materiali, institucionet përgjegjëse kanë gjetur zgjidhje të përkohshme për varrosjen e këtyre placentave.

Qindra placenta kutërbojnë në Gjinekologji
Ju lutem të prisni

No media source currently available

0:00 0:02:56 0:00

AGK-ja ka ndarë edhe tri çmime tjera në ceremoninë e 23 dhjetorit.

Kastriot Berisha ka fituar çmimin për "Gazetarin më të mirë', Valdete Osmani për "Materialin më të mirë televiziv" dhe Deniz Sllovinja për "Kameramanin më të mirë".

Vlera e këtyre shpërblimeve është nga 600 deri në 1,000 euro.

Këtë vit, AGK-ja ka thënë se ka pranuar 55 aplikime.

Çmimet e këtij viti janë ndarë me mbështetjen e Misionit të Organizatës për Siguri dhe Bashkëpunim në Evropë (OSBE) në Kosovë.

Asociacioni i Gazetarëve të Kosovës (AGK) është organizatë joqeveritare që synon të promovojë dhe të inkurajojë gazetarinë kualitative dhe të hapur në Kosovë, si dhe të përmirësojë pozitën e gazetarëve në shoqërinë kosovare.

XS
SM
MD
LG