Ndërlidhjet

Tensionet Rusi-Ukrainë rrisin çmimet e naftës


Fotografi ilustruese.

Çmimet e naftës dhe të gazit janë në rritje, nga frika se kriza midis Rusisë dhe Ukrainës mund të shkaktojë ndërprerje apo çrregullime në furnizime.

Çmimi i naftës së papërpunuar Brent, e cila është pikë ndërkombëtare e referimit, arriti të martën në 99.38 dollarë për fuçi - çfarë është niveli më i lartë në shtatë vjet.

Më 21 shkurt, presidenti i Rusisë, Vladimir Putin, i njohu rajonet separatiste në lindje të Ukrainës, Luhansk dhe Donjeck, si entitete të pavarura.

Putin urdhëroi edhe vendosjen e trupave ruse atje.

Disa vende perëndimore kanë kërcënuar me sanksione kundër Rusisë, e cila është eksportuesja e dytë më e madhe e naftës, pas Arabisë Saudite. Rusia është gjithashtu prodhuesja kryesore në botë e gazit natyror.

Të martën, kancelari gjerman, Olaf Scholz, njoftoi se vendi i tij ka pezulluar procesin e certifikimit të gazsjellësit të diskutueshëm Rrjedha e Veriut 2, i cili do ta sillte gazin direkt nga Rusia në Gjermani.

Në Londër, tregu i aksioneve u hap të martën për 1.4 për qind më i ulët, por e rimori veten në orët e mëvonshme.

Tregjet aziatike të aksioneve u mbyllën po ashtu më ulët dhe ngjashëm pritet të ndodhë edhe me bursat amerikane.

Nga arkivi i REL-it:

A ia del Evropa pa gazin rus?
Ju lutem të prisni
Embed

No media source currently available

0:00 0:10:06 0:00

XS
SM
MD
LG