Dritat fiken, rrugët mbushen: Banorët e Kievit festojnë mes sulmeve ruse
- Serhiy Nuzhnenko
- AFP
Në temperatura deri në – 15 gradë Celsius dhe mes vështirësive tjera që kanë shkaktuar sulmet e Rusisë në infrastrukturën energjetike të Ukrainës, disa banorë të Kievit po vazhdojnë ta mbajnë kokën lart dhe zemrën plot, duke dalë në rrugë e duke festuar me fqinjët. (Përgatiti: Krenare Cubolli)
1
Disa banorë të Kievit të mbledhur në rrugë duke pjekur mish në skarë më 18 janar, pasi sulmet ruse në rrjetin e energjisë e kanë lënë një pjesë të kryeqytetit ukrainas pa rrymë.
2
Banorët e Kievit duke ndezur fishekzjarrë në mesin e një feste të improvizuar pas ndaljes së ngrohjes qendrore nëpër banesat e tyre.
3
Banorët e Kievit duke vallëzuar nëpër rrugët e një lagjeje të kryeqytetit. Kievi është përballur me mot tejet të ftohtë, me temperatura që kanë rënë deri në -15 gradë Celsius më 18 janar.
4
Të tjerë janë ngrohur pranë zjarrit. Pavarësisht pamjeve festive sikurse këto në fotografi, realiteti me të cilin përballen banorët e Kievit është i ashpër: tubat në banesa shpërthejnë nga uji i ngrirë dhe temperaturat shkojnë nën zero.
