Dronë dhe shkatërrim: Rruga e gjatë për në Billozerske të Ukrainës
Korrespondenti i Shërbimit të Ukrainës të Radios Evropa e Lirë, Maryan Kushir, eci rreth 20 kilometra për të arritur në qytezën e rrethuar të Billozerskes, në rajonin ukrainas të Donjeckut, ku ushtarët thonë se është shkatërruar nga sulmet ajrore ruse gjatë vitit të fundit.
13
Brenda një ndërtese që përdoret nga ushtria, ekipi i REL-it hasi në një grup këmbësorie që sapo ishte kthyer nga pozicionet luftarake në Billitske, në jug të Billozerskes. Në këtë grup ishte edhe Lyova (në foto), që po pinte duhan pas një udhëtimi disaditor.
14
“Kam qenë në një pozicion në Billitske për gati tre muaj”, kujtoi Lyova. “Po largoheshim kur ndodhi një shpërthim dhe u plagosa. Ma fashuan plagën dhe vazhduam të lëviznim”. Lyova tha se kërcënimi nga dronët e bën ndërrimin e pozicioneve tani pjesën më të vështirë të detyrës luftarake.
15
REL-i vazhdoi drejt një pike për evakuim në periferi të Billozerskes ku po pritej të arrinin autoblinda për të tërhequr të plagosurit.
16
Ekipi i REL-it iu bashkua ushtarëve që po udhëtonin drejt zonave të sigurta me autoblinda. Udhëtimi përshkroi rrugë me shumë gropa, duke e bërë rrugëtimin e vështirë për të plagosurit.
