Erdogan prezanton planin për rritje të shpenzimeve publike, pak para zgjedhjeve

11 prill 2023

Presidenti turk, Recep Tayyip Erdogan, e ka prezantuar planin për rritje të shpenzimeve publike, i cili shihet si përpjekje për të rritur bazën e votuesve, pak para zgjedhjeve.

Në planin e Erdoganit përfshihen ulja e taksave, rritja e pagave, subvencione për energjinë dhe më shumë punë qeveritare.

Në nisje të fushatës së tij zgjedhore në Ankara, Erdogan është zotuar edhe për ndarje të fondeve në “mega-projekte”, përfshirë ato në mbrojtje.

Erdogan është zotuar edhe për ulje të normës së inflacionit dhe rritje ekonomike.

Këto premtime janë bërë në kohën e rritjes rekorde të çmimeve të jetesës dhe vështirësive ekonomike, të cilat Turqia nuk i ka përjetuar në dy dekada.

Recep Tayyip Erdogan, president i Turqisë.

SHIKONI EDHE:

Erdogan përballë provës së madhe zgjedhore

E gjithë kjo situatë përbën sfidë për të në zgjedhjet e 14 majit.

Turqia mban zgjedhjet parlamentare dhe presidenciale në maj, pas gati 20 vjetëve të Erdoganit në pushtet.

Sondazhet sugjerojnë garë të ngushtë në mes të Erdoganit dhe liderit opozitar, Kemal Kılıçdaroglu.

Në garën për president marrin pjesë edhe dy persona tjerë, por me më pak mundësi të fitores.

Disa analistë besojnë se Kılıçdaroglu, 74-vjeçar, kryetar i partisë sekulare, Partia Popullore Republikane, ka më shumë mundësi për fitore sesa Erdogan, 69-vjeçar.

Kılıçdaroglu mund të gëzojë mbështetjen e bllokut opozitar – një kombinim i rrallë mes islamistëve, kurdëve dhe nacionalistëve.

Fushata këtë herë ka nisur nën hijen e tërmetit shkatërrues që ka goditur juglindjen e shtetit më 6 shkurt.

Erdogan është kritikuar për menaxhim të dobët të krizës, pas tërmetit.

"Lodrat e fundit" për fëmijët që vdiqën nga tërmeti

Dhjetëra balona janë varur nëpër mbeturinat e ndërtesave të shembura nga tërmeti në qytetin Antakia.<br />
<br />
Autori i veprës, Ogun Sever Okur, thotë se ato janë  "lodrat e fundit" si dhuratë për fëmijët që vdiqën nga tërmeti.<br />
<br /> — 1/12 Dhjetëra balona janë varur nëpër mbeturinat e ndërtesave të shembura nga tërmeti në qytetin Antakia.

Autori i veprës, Ogun Sever Okur, thotë se ato janë "lodrat e fundit" si dhuratë për fëmijët që vdiqën nga tërmeti.

2/12 Ogun Sever Okur, 38-vjeçar, mes balonave të varur në rmbetjet e rrënojave të një ndërtese të shembur në Antakya, Turqi.

Një pamje nga lart e rrënojave ku 38- vjeçari Ogun Sever Okur ka lidhur balona në kujtim të fëmijëve të vrarë nga tërmeti. — 3/12 Një pamje nga lart e rrënojave ku 38- vjeçari Ogun Sever Okur ka lidhur balona në kujtim të fëmijëve të vrarë nga tërmeti.

4/12 Ogun Sever Okurt duke fryrë balona mbi mbeturinat e një ndërtese të shembur në Antakya, Turqia jugore më 21 shkurt 2023.

5/12 Balonat kushtuar fëmijëve që vdiqën nga tërmeti shihen natën të lidhur në rrënoja në zonën Hatai, në Turqi, 20 shkurt 2023.

6/12 Ministri i Brendshëm i Turqisë, Suleyman Soylu, të enjten ka thënë se numri i të vdekurve pas tërmeteve shkatërruese që nga 6 shkurti, ka arritur në 43.556.

7/12 Agjencia për fëmijë e Kombeve të Bashkuara (UNICEF) tha se tërmetet dhe goditjet pasuese, që shkatërruan mijëra ndërtesa në Turqi dhe Siri, mund të kenë vrarë mijëra fëmijë.

8/12 UNICEF-i nuk ka mundur të saktësojë numrin e fëmijëve të vrarë nga tërmetet në Turqi e Siri.

9/12 Sipas autoriteteve turke, që nga tërmeti i parë i 6 shkurtit ka pasur edhe 7.930 pasgoditje.

10/12 Një balon i lidhur mes rrënojash ndërsa pranë shihet një trotinet dhe gjësende fëmijësh.

11/12 Balona janë vendosur në një ndërtesë të shembur në qytetin e Antakias.

12/12 Një punëtor shëndetësor duke kaluar pranë rrënojave ku janë lidhur balona kushtuar fëmijëve që vdiqën në tërmetin në Hatai, Turqi, 19 shkurt 2023.

Në këto zgjedhje do të mund të votojnë 60.9 milionë persona që banojnë në Turqi, dhe 3.3 milionë të tjerë që jetojnë jashtë shtetit.

Ndërlidhjet

Na ndiqni

Erdogan prezanton planin për rritje të shpenzimeve publike, pak para zgjedhjeve

Erdogan përballë provës së madhe zgjedhore

"Lodrat e fundit" për fëmijët që vdiqën nga tërmeti