Ndërlidhjet

Rikthehen fluturimet e brendshme në SHBA


Avionët e Delta Air Lines shihen të parkuar për shkak të reduktimit të fluturimeve në periudhën e koronavirusit, në Aeroportin Ndërkombëtar Birmingham-Shuttlesworth, Alabama. SHBA. 25 mars 2020.

Trafiku ajror në Shtetet e Bashkuara të Amerikës po i kthehet normalitetit, pasi të gjitha fluturimet e brendshme u ndaluan për disa orë për shkak të një defekti me sistemin e kontrollit të fluturimit.

Autoritetet e aviacionit amerikan thanë se ky defekt është rregulluar.

Gjatë kësaj kohe, rreth 4.600 fluturime u shtynë, ndërsa rreth 800 të tjera u anuluan.

Më herët Administrata Federale e Aviacionit (FAA) tha se ka një problem me sistemin që paralajmëron pilotët për rreziqet e mundshme në rrugët e fluturimit.

Presidenti amerikan, Joe Biden, është informuar për ndërprerjen e fluturimeve, dhe Shtëpia e Bardhë tha se nuk ka prova të një sulmi kibernetik deri tani. Biden ka bërë thirrje për një "hetim të plotë mbi shkaqet" e kësaj ndërprerje.

American Airlines tha se ndërprerja ndikoi te "të gjitha fluturimet, përfshirë të gjithë transportuesit".

Pasagjerët kanë postuar në rrjetet sociale vonesat gjatë kohës së ndalimit të fluturimeve.

XS
SM
MD
LG