Hezbollahu e sulmon Tel Avivin me raketë balistike

25 shtator 2024

Sistemi kundërajror Iron Dome ndalon raketat e hedhura nga Libani jugor, 24 shtator 2024.

Hezbollahu e ka hedhur një raketë balistike drejt Tel Avivit të mërkurën në mëngjes, duke e përshkallëzuar edhe më tej situatën. Një ditë më parë, ushtria izraelite e bombardoi Libanin, duke vrarë qindra njerëz dhe militantët hodhën raketa në veri të Izraelit.

Ushtria izraelite tha se e ndaloi një raketë balistike tokë-tokë, e cila aktivizoi sirenat për sulme ajrore në Tel Aviv dhe përgjatë Izraelit qendror. Ajo tha se nuk u raportua për viktima apo dëme.

Ajo tha se u përgjigj duke goditur vendin nga ku u shkrep kjo raketë në jug të Libanit.

Hezbollahu – grup libanez i shpallur organizatë terroriste nga Shtetet e Bashkuara – tha se e shkrepi një raketë balistike Qader 1 në drejtim të selisë qendrore të Agjencisë izraelite të Inteligjencës, Mosad.

Ky grup i mbështetur nga Irani e fajëson Mosadin për sulmet e javës së kaluar, gjatë të cilave bombat e fshehura në pajisje komunikimi, pejxherë dhe radiolidhje, shpërthyen duke vrarë dhjetëra njerëz dhe plagosur mijëra të tjerë, përfshirë pjesëtarë të Hezbollahut.

Sulmet ajrore izraelite në jug të Libanit më 23 shtator 2024.

SHIKONI EDHE:

Sulmet vdekjeprurëse izraelite në Liban shënojnë nisjen e një lufte të re

Sipas ushtrisë izraelite, kjo ishte hera e parë që një raketë balistike e shkrepur nga toka libaneze arrin në Izraelin qendror.

Ky sulm i ka rritur edhe më shumë tensionet në Lindjen e Mesme, e cila po shkon drejt një lufte të përgjithshme, edhe pse Izraeli po vazhdon të luftojë kundër Hamasit – grupit palestinez të shpallur organizatë terroriste nga SHBA-ja dhe Bashkimi Evropian – në Rripin e Gazës.

Së paku 560 njerëz u vranë në Liban dhe mijëra të tjerë u detyruan të shpërngulen nga shtëpitë e tyre si pasojë e një vale bombardimesh izraelite të hënën dhe të martën.

Banorët kanë ikur nga jugu i Libanit, duke u grumbulluar në Bejrut dhe në qytetin bregdetar Sidon, ku flenë në shkolla të shndërruara në strehimore, si dhe nëpër vetura, parqe dhe plazhe. Disa prej tyre u përpoqën të ikin nga vendi, duke shkaktuar rrëmujë në trafik në kufirin me Sirinë.

Ushtria izraelite ka thënë se, tani për tani, nuk ka synime për të kryer inkursion tokësor në Liban.

Sulmet izraelite në Liban detyrojnë mijëra familje të zhvendosen

1/12 Sulmet ajrore izraelite kanë vrarë të paktën 558 persona të hënën, në mesin e të cilëve 50 fëmijë dhe 94 gra, sipas Ministrisë së Shëndetësisë në Liban.

Izraeli dhe Hezbollahu – grupi libanez i shpallur organizatë terroriste nga Shtetet e Bashkuara – kanë këmbyer zjarr ndërkufitar pothuajse çdo ditë që kur nisi lufta në Gazë më 7 tetor 2023. Por, bombardimet e 23 shtatorit në Liban deri më tani shënuan përshkallëzimin më të madh, që nga lufta e vitit 2006 mes Izraelit dhe Hezbollahut, grup që mbështetet nga Irani. — 2/12 Izraeli dhe Hezbollahu – grupi libanez i shpallur organizatë terroriste nga Shtetet e Bashkuara – kanë këmbyer zjarr ndërkufitar pothuajse çdo ditë që kur nisi lufta në Gazë më 7 tetor 2023. Por, bombardimet e 23 shtatorit në Liban deri më tani shënuan përshkallëzimin më të madh, që nga lufta e vitit 2006 mes Izraelit dhe Hezbollahut, grup që mbështetet nga Irani.

3/12 Dhjetëra mijëra persona janë larguar nga shtëpitë e tyre në Liban, teksa Izraeli ka vazhduar sulmet, thanë Kombet e Bashkuara më 24 shtator, duke i quajtur këto ngjarje si “shumë alarmante”.

“Ne jemi thellësisht të shqetësuar lidhur me përshkallëzimin serioz të sulmeve që pamë dje”, tha zëdhënësi i agjencisë për refugjatë të OKB-së, Matthew Saltmarsh.<br />
<br /> — 4/12 “Ne jemi thellësisht të shqetësuar lidhur me përshkallëzimin serioz të sulmeve që pamë dje”, tha zëdhënësi i agjencisë për refugjatë të OKB-së, Matthew Saltmarsh.

5/12 Edhe para sulmeve të 23 shtatorit, në Liban ka pasur zhvendosje të popullsisë nga pjesa jugore e vendit. “Situata është shumë alarmante. Është shumë kaotike. Numri i civilëve të vrarë është i papranueshëm”, theksoi Matthew Saltmarsh.

6/12 Sulmet e së hënës u kryen pasi Izraeli sulmoi Bejrutin të premten duke vrarë dhjetëra persona, përfshirë dy komandantë të Hezbollahut.

7/12 Një vit pas fillimit të luftës midis Hamasit dhe Izraelit në Rripin e Gazës, kufiri verior është bërë tashmë objektiv i sulmeve izraelite, nga të cilat Hezbollahu i mbështetur nga Irani, nisi një sulm me raketa ndaj Izraelit për të ndihmuar Hamasin gjithashtu të mbështetur nga Irani.

8/12 Një automjet duke transportuar anëtarët e Ushtrisë së Libanit afër vendit të një sulmi izraelit në periferi të Bejrutit, Liban, 23 shtator 2024.

9/12 Njerëzit shikojnë tymin që ngrihet në qiell nga sulmet izraelite.

10/12 Rrugët e bllokuara të qytetit Sidon nga kolonat e automjeteve me njerëz që po ikin nga bombardimet izraelite.

11/12 Automjetet duke pritur në trafik në qytetin Damour, në jug të kryeqytetit Bejrut më 24 shtator 2024, ndërsa njerëzit largohen nga jugu i Libanit.

12/12 Pamje e rrugëve të bllokuara nga automjetet me njerëzit që po zhvendosen, qyteti Sidon, Liban.

Tensionet mes Izraelit dhe Hezbollahut janë përshkallëzuar vazhdimisht në 11 muajt e fundit. Hezbollahu ka hedhur raketa dhe ka lëshuar dronë në veri të Izraelit vazhdimisht në mbështetje të palestinezëve në Gazë dhe të aleatit të vet, Hamas.

Izraeli është përgjigjur me bombardime të ashpra dhe duke ia vrarë komandantët e lartë grupit militant.

Luftimet prej gati një viti ndërmjet Hezbollahut dhe Izraelit i kanë detyruar dhjetëra mijëra njerëz të shpërngulen nga të dyja anët e kufirit. Izraeli është zotuar se do të bëjë gjithçka për të garantuar kthimin e sigurt të të zhvendosurve në veri të vendit, derisa Hezbollahu ka thënë se do të vazhdojë të shkrepë raketa derisa të arrihet një armëpushim në Gazë, diçka që duket jo fort e arritshme.

Këshilli i Sigurimit të OKB-së ka thirrur takim emergjent për Libanin për të mërkurën, me kërkesë të Francës.

Ndërlidhjet

Na ndiqni

Hezbollahu e sulmon Tel Avivin me raketë balistike

Sulmet vdekjeprurëse izraelite në Liban shënojnë nisjen e një lufte të re

Sulmet izraelite në Liban detyrojnë mijëra familje të zhvendosen