Ndërlidhjet

Orban thotë se nuk do ta ndryshojë politikën ndaj migrantëve  


Kryeministri i Hungarisë, Viktor Orban.

Budapesti do të vazhdojë me ligjet e saj për migrim pavarësisht një vendimi të një gjykate evropiane, deklaroi kryeministri hungarez, Viktor Orban.

“Qeveria ka vendosuir se ne nuk do të bëjmë asgjë për të ndryshuar sistemin tonë të mbrojtjes kufitare”, tha Orban gjatë një konference për media më 21 dhjetor.

“Ne do të mbajmë në fuqi regjimin ekzistues, edhe nëse gjykata evropiane na urdhëron që ta ndryshojmë. Ne nuk do ta ndryshojmë dhe nuk do të lëmë askënd që të na detyrojë ta bëjmë një gjë të tillë”, tha Orban.

Muajin e kaluar, Gjykata e Drejtësisë e Bashkimit Evropian tha se Budapesti ka shkelur ligjet e BE-së, duke lejuar policinë që fizikisht të “kthejë mbrapsht” azilkërkuesit në kufirin me Serbisë.

Ministria e Drejtësisë së Hungarisë ka dërguar në Gjykatën Kushtetuese hungareze vendimin e Gjykatës së BE-së. Kushtetuesja ka marrë vendim se Budapesti ka të drejtë që të ndërmarrë masa të veta. Por, kjo gjykatë po ashtu ka thënë se Qeveria hungareze nuk duhet ta apelojë vendimin e Gjykatës së Drejtësisë së BE-së.

Konflikti me BE-në mbi standardet demokratike ka bërë që BE-ja të ngrijë fondet në fondin hungarez për rimëkëmbje, duke i dhënë një goditje Qeverisë së Orbanit, pasi ekonomia e vendit varet shumë nga fondet e bllokut evropian.

XS
SM
MD
LG