Ndërlidhjet

Rajonet
site logo site logo
E mëparshme E ardhshmja
Lajmi i fundit
Lajme

Irani pezullon bashkëpunimin me inspektorët e huaj bërthamorë

Pamjet satelitore nga Planet Labs PBC tregojnë lokacionin nëntokësor të pasurimit të uraniumit në Fordo, Iran, pas sulmeve ajrore amerikane më 22 qershor, 2025.
Pamjet satelitore nga Planet Labs PBC tregojnë lokacionin nëntokësor të pasurimit të uraniumit në Fordo, Iran, pas sulmeve ajrore amerikane më 22 qershor, 2025.

Irani e pezulloi përkohësisht bashkëpunimin me Agjencinë Ndërkombëtare të Energjisë Bërthamore (IAEA).

Presidenti Masoud Pezeshkian e nënshkroi legjislacionin përkatës, raportoi të mërkurën agjencia e lajmeve Tasnim.

Vendimi do të thotë se Irani nuk do t’i lejojë inspektorët e IAEA-s të hyjnë në vend, derisa të garantohet “siguria” e objekteve të tij bërthamore.

Që kjo të ndodhë, organizata me seli në Vjenë duhet t’i dënojë sulmet e SHBA-së dhe Izraelit ndaj objekteve bërthamore të Iranit dhe ta pranojë programin bërthamor iranian, tha më herët kryetari i Parlamentit të Iranit, Mohammad Bagher Ghalibaf.

Shumë detaje të rregullores së re mbeten ende të paqarta.

Sipas një zëdhënësi të Ministrisë së Jashtme të Iranit, inspektorët bërthamorë të IAEA-s janë ende në këtë vend.

Megjithatë, atyre nuk u lejohet qasja në objektet bërthamore, të dëmtuara nga sulmet e Izraelit dhe të SHBA-së.

Dëmet ndaj objekteve iraniane nga sulmet izraelite

Dëme janë vërejtur në hyrjet e tuneleve të një objekti në Kermanshah, në Iranin perëndimor. Mendohet se ky objekt shërben si bazë raketore iraniane.
1/6 Dëme janë vërejtur në hyrjet e tuneleve të një objekti në Kermanshah, në Iranin perëndimor. Mendohet se ky objekt shërben si bazë raketore iraniane.
Pamjet satelitore, të nxjerra më 15 qershor nga kompania Maxar, shfaqin objektet që janë goditur nga sulmet izraelite në disa zona të Iranit.
Godina të shkatërruara përreth hyrjes së objektit në Kermanshah.
2/6 Godina të shkatërruara përreth hyrjes së objektit në Kermanshah.
Pamjet satelitore, të nxjerra më 15 qershor nga kompania Maxar, shfaqin objektet që janë goditur nga sulmet izraelite në disa zona të Iranit.
Një ndërtesë magazinimi e shkatërruar në objektin në Kermanshah.
3/6 Një ndërtesë magazinimi e shkatërruar në objektin në Kermanshah.
Pamjet satelitore, të nxjerra më 15 qershor nga kompania Maxar, shfaqin objektet që janë goditur nga sulmet izraelite në disa zona të Iranit.
Godina të dëmtuara nga sulmet në një objekt ushtarak në Bid Kaneh, në veriperëndim të Iranit.
4/6 Godina të dëmtuara nga sulmet në një objekt ushtarak në Bid Kaneh, në veriperëndim të Iranit.
Pamjet satelitore, të nxjerra më 15 qershor nga kompania Maxar, shfaqin objektet që janë goditur nga sulmet izraelite në disa zona të Iranit.
Një ndërtesë që ishte në shënjestër në bazën ushtarake, në Bid Kaneh.
5/6 Një ndërtesë që ishte në shënjestër në bazën ushtarake, në Bid Kaneh.
Pamjet satelitore, të nxjerra më 15 qershor nga kompania Maxar, shfaqin objektet që janë goditur nga sulmet izraelite në disa zona të Iranit.
Pamje nga objekti i pasurimit të uraniumit në Natanz – një nga pikat kyç të programit bërthamor të Iranit – tregojnë disa ndërtesa të shkatërruara.
6/6 Pamje nga objekti i pasurimit të uraniumit në Natanz – një nga pikat kyç të programit bërthamor të Iranit – tregojnë disa ndërtesa të shkatërruara.
Pamjet satelitore, të nxjerra më 15 qershor nga kompania Maxar, shfaqin objektet që janë goditur nga sulmet izraelite në disa zona të Iranit.
Previous slide
Next slide

Më 13 qershor, Izraeli nisi një fushatë të madhe bombardimesh kundër Iranit, për ta penguar, siç tha, nga krijimi i armës bërthamore.

Irani, i cili mohon se ka ambicie të tilla, u përgjigj me sulme me raketa dhe dronë kundër Izraelit.

Disa ditë më vonë, më 22 qershor, aleatja e Izraelit, SHBA-ja, kreu sulmet e veta kundër objekteve bërthamore iraniane në Fordo, Isfahan dhe Natanz.

Sipas autoriteteve në Iran, mbi 900 njerëz humbën jetën në konfliktin 12-ditësh.

Sulmet hakmarrëse të Iranit vranë 28 persona në Izrael, sipas autoriteteve atje.

Presidenti amerikan, Donald Trump, tha se sulmet e SHBA-së kanë “shkatërruar” programin bërthamor të Iranit, megjithëse shkalla e dëmit nuk është e qartë.

Ministri i Jashtëm iranian, Abbas Araghchi, pranoi se në objektet bërthamore ka dëme “serioze”.

Aktualisht, në fuqi është një armëpushim mes Izraelit dhe Iranit.

​
XS
SM
MD
LG