Ndërlidhjet

Kosova dhe Shqipëria akuzojnë Rusinë për krime lufte


Kryeministri i Kosovës, Albin Kurti dhe ai i Shqipërisë, Edi Rama.
Kryeministri i Kosovës, Albin Kurti dhe ai i Shqipërisë, Edi Rama.

Liderët e Kosovës dhe Shqipërisë kanë dënuar ashpër ato që kanë thënë se janë të dhëna për vrasjet brutale të civilëve ukrainas nga trupat ushtarake të Rusisë.

Të dy kanë bërë thirrje që bota ta mbajë Rusinë përgjegjëse për këto ngjarje.

Kryeministri i Kosovës, Albin Kurti ka thënë se trupat që janë gjetur në Buça ia rikujtojmë mizoritë e ngjashme që janë kryer në periudhën 1998-1999 në luftën mes luftëtarëve të pavarur shqiptarë dhe forcave serbe.

“Varrezat masive, njerëzit e vrarë brutalisht, dhe me pjesë të zhdukura të trupit, shtëpi të djegura dhe qytete të shkatërruara, janë skena të njohura nga regjimet që kryejnë gjenocid”, ka thënë Kurti në një postim në Twitter.

Kryeministri i Shqipërisë, Edi Rama, ka thënë se trupat që janë gjetur pasi ushtarët rusë janë larguar nga Buça, afër Kievit, janë “shokuese” dhe ka bërë thirrje për hetime të pavarura “të këtyre krimeve të tmerrshme”.

“Asgjë nuk mund ta arsyetojë këtë mizori. Çfarë dhimbje dhe çfarë turpi”, ka thënë ai po ashtu në Twitter.

Si Kosova, ashtu edhe Shqipëria u janë bashkuar sanksioneve të ashpra ndaj Rusisë, të cilat janë vendosur nga Shtetet e Bashkuara dhe Bashkimi Evropian.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG