Çfarë pritet të ndodhë në seancën konstituive të Kuvendit?
Në seancën konstituive nuk do të ketë debat, por rendi i ditës do të nisë me caktimin e nga një deputeti nga subjektet politike të përfaqësuara në Kuvend për Komisionin e Përkohshëm për Verifikimin e Kuorumit dhe të Mandateve.
Pas verifikimit të vlefshmërisë së mandateve të deputetëve, si dhe kuorumin në seancën konstituive, deputetët do ta bëjnë betimin solemn.
Më pas, Kuvendi do të procedojë me zgjedhjen e kryetarit të këtij legjislativi, pozitë kjo e cila i takon Lëvizjes Vetëvendosje, si parti që ka numrin më të madh të deputetëve.
Deputetët e rinj shkojnë në Kuvend
Deputetët e rinj kanë nisur të shkojnë në Kuvendin e Kosovës për seancën konstituive, që është paraparë të nisë në orën 10:00.
Por, asnjë nga ta nuk është ende në sallën plenare. Ndërkaq, drejt sallës plenare janë parë duke shtuar ambasadorët e akredituar në Kosovë.
Përbërja e re e Kuvendit
Kjo është ndarja e ulëseve në legjislaturën e nëntë të Kuvendit të Kosovës:
Si do të duket Kuvendi i ardhshëm i Kosovës?
LVV drejt seancës, pa vota të sigurta për kryeparlamentarin e Qeverinë
Partia fituese e zgjedhjeve, Lëvizja Vetëvendosje nuk dihet nëse i ka siguruar 61 votat e nevojshme për zgjedhjen e kryetarit të Kuvendit dhe të Qeverisë së re.
Për më shumë, shikojeni videon e mëposhtme:
