Ndërlidhjet

Lituania dëbon dy diplomatë bjellorusë


Ministri i Jashtëm i Lituanisë, Gabrielius Landsbergis.
Ministri i Jashtëm i Lituanisë, Gabrielius Landsbergis.

Lituania tha se do të dëbojë dy diplomatë bjellorusë, të cilët i akuzon për kryerje të aktiviteteve “që nuk janë në përputhje me statusin e tyre diplomatik”. Ky njoftim nga Lituania vjen në kohën e rritjes së tensioneve, pasi Bjellorusia devijoi fluturimin e një avioni për në Minsk, i cili ishte nisur drejt Lituanisë. Më pas, autoritetet bjelloruse arrestuan një gazetar.

Dy pjesëtarëve të stafit të Ambasadës bjelloruse në Vilnius u është dhënë shtatë ditë afat që të largohen nga Lituania, tha Ministria e Jashtme më 28 maj.

Ministri i Jashtëm i Litanisë, Gabrielius Landsbergis tha se ky vendim gjithashtu është një “shprehje e solidaritetit” me Letoninë, ku i gjithë stafi i ambasadës së saj është dëbuar nga Bjellorusia.

Pasagjerët në avionin e devijuar nga Bjellorusia tregojnë se çfarë ndodhi
Ju lutem prisni

No media source currently available

0:00 0:01:42 0:00

Minsku dëboi diplomatët letonezë, pasi flamuri i Bjellorusisë ishte hequr gjatë kampionatit botërorë të hokejit, që u mbajt në Riga dhe ishte zëvendësuar me flamurin që po përdor opozita bjelloruse.

Më 23 maj, autoritetet bjelloruse detyruan fluturimin e kompanisë Ryanair që të ateronte në Minsk dhe më pas arrestuan gazetarin dhe aktivistin e opozitës, Raman Pratasevich së bashku me të dashurën e tij, Sofia Sapega. Ky avion ishte nisur nga Greqia për në Lituani.

Bashkimi Evropian po shqyrton vendosjen e sanksioneve ekonomike ndaj Bjellorusisë në përgjigje të devijimit të fluturimit dhe arrestimit të gazetarit bjellorus.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG