Ndërlidhjet

Rajonet
RADIO
site logo site logo
E mëparshme E ardhshmja
Lajmi i fundit
Fotogaleri

Lot dhe lutje teksa rezervistët rusë nisen për luftë

Pasi presidenti rus, Vladimir Putin, së fundi urdhëroi “mobilizim të pjesshëm” për luftën në Ukrainë, shumë rezervistë, përfshirë disa që pohojnë të mos kenë kurrfarë përvoje ushtarake, po paraqiten për të shërbyer nëpër pikat e caktuara të grumbullimit në vend.

Pas përshëndetjeve emocionale me më të dashurit e tyre dhe pas bekimeve nga priftërinjtë, burra të rinj po transportohen në baza ushtarake.

Ka pasur protesta të shpërndara nëpër vend dhe disa qendra të mobilizimit janë sulmuar. Është raportuar po ashtu se qindra mijëra rusë kanë ikur nga vendi, për t’iu shmangur thirrjes për ushtri.

(Përgatiti: Trim Haliti)

Rekrutët rusë duke u mbledhur brenda një qendre grumbullimi ushtarak në Batajsk, në rajonin jugor rus të Rostovit mbi Don, më 26 shtator. Një kundërofensivë ukrainase së fundi zmbrapsi forcat ruse nga pjesa më e madhe e rajonit të Harkivit, teksa është raportuar për humbje të mëdha të ushtarëve dhe të armatimit.
1 Rekrutët rusë duke u mbledhur brenda një qendre grumbullimi ushtarak në Batajsk, në rajonin jugor rus të Rostovit mbi Don, më 26 shtator.

Një kundërofensivë ukrainase së fundi zmbrapsi forcat ruse nga pjesa më e madhe e rajonit të Harkivit, teksa është raportuar për humbje të mëdha të ushtarëve dhe të armatimit.
Një prift ortodoks duke i bekuar ushtarët e ardhshëm. Patriku Kirill, kreu i Kishës Ortodokse Ruse, u ka thënë besimtarëve se “sakrifica e kryerjes së detyrave ushtarake pastron nga të gjitha mëkatet”. Komentet e patrikut gjatë shërbesës së të dielës, më 25 shtator, erdhën mes protestave nëpër vend dhe rritjes së kritikave për vendimin e fundit të Kremlinit për “mobilizim të pjesshëm” për mbushjen e radhëve ruse në fushëbetejë në Ukrainë.
2 Një prift ortodoks duke i bekuar ushtarët e ardhshëm.

Patriku Kirill, kreu i Kishës Ortodokse Ruse, u ka thënë besimtarëve se “sakrifica e kryerjes së detyrave ushtarake pastron nga të gjitha mëkatet”. Komentet e patrikut gjatë shërbesës së të dielës, më 25 shtator, erdhën mes protestave nëpër vend dhe rritjes së kritikave për vendimin e fundit të Kremlinit për “mobilizim të pjesshëm” për mbushjen e radhëve ruse në fushëbetejë në Ukrainë.
Një rezervist i thirrur duke u përshëndetur me më të dashurit e tij para largimit. Në pjesë të Ukrainës lindore dhe në rajonin verilindor të Harkivit kanë nisur luftime të ashpra ndërmjet forcave ukrainase dhe atyre ruse. Presidenti i Ukrainës, Volodymyr Zelensky, ka thënë se rajoni lindor i Donjeckut mbetet prioriteti kyç strategjik i Ukrainës – dhe i Rusisë – teksa luftimet po zhvillohen në disa vendbanime, ndërsa trupat ruse po përpiqen të avancojnë drejt jugut dhe perëndimit.
3 Një rezervist i thirrur duke u përshëndetur me më të dashurit e tij para largimit.

Në pjesë të Ukrainës lindore dhe në rajonin verilindor të Harkivit kanë nisur luftime të ashpra ndërmjet forcave ukrainase dhe atyre ruse. Presidenti i Ukrainës, Volodymyr Zelensky, ka thënë se rajoni lindor i Donjeckut mbetet prioriteti kyç strategjik i Ukrainës – dhe i Rusisë – teksa luftimet po zhvillohen në disa vendbanime, ndërsa trupat ruse po përpiqen të avancojnë drejt jugut dhe perëndimit.
Rekrutët duke arritur në një pikë grumbullimi në Batajsk. Komanda jugore e forcave të armatosura të Ukrainës ka thënë më 27 shtator se kundërofensiva e saj në rajonin juglindor të Hersonit i ka shkaktuar armikut humbjen e 77 pjesëtarëve, gjashtë tankeve, pesë obusëve, tri sistemeve kundërajrore dhe 14 autoblindave. Ky pohim nuk mund të verifikohej në mënyrë të pavarur.
4 Rekrutët duke arritur në një pikë grumbullimi në Batajsk.

Komanda jugore e forcave të armatosura të Ukrainës ka thënë më 27 shtator se kundërofensiva e saj në rajonin juglindor të Hersonit i ka shkaktuar armikut humbjen e 77 pjesëtarëve, gjashtë tankeve, pesë obusëve, tri sistemeve kundërajrore dhe 14 autoblindave. Ky pohim nuk mund të verifikohej në mënyrë të pavarur.

Shfaq më shumë

Më shumë materiale

​
Kthehu në fillim
XS
SM
MD
LG