Në trevjetorin e pushtimit rus të Ukrainës, korrespondentët e Radios Evropa e Lirë në vijën e frontit, Maryan Kushnir dhe Yevhenia Kytaiva-Rusetska, ndajnë histori emocionuese të civilëve dhe të ushtarëve që i kanë takuar gjatë mbulimit të konfliktit. Ata tregojnë rrëfime të dëshmitarëve për guximin dhe trimërinë e individëve në mes të kaosit dhe shkatërrimit që ka shkretuar shumë jetë njerëzish. Kushnir, i cili ka përcjellë nga afër luftime të ashpra, thotë se “lufta është sikur ta shikosh shtëpinë tënde teksa ajo digjet dhe ti s’ke çfarë bën”. (Përgatitën: Trim Haliti dhe Bujar Tërstena)