Mijëra migrantë të bllokuar në Greqi

Më se 10 mijë migrantë dhe refugjatë mbeten të bllokuar në pjesën greke të kufirit me Maqedoninë.Qindra prej tyre kanë marrë pjesë në demonstratën e së enjtes në qytetin kufitar grek, Idomeni.Në një moment, ata e bllokuan një tren transportues që synonte të hynte në Greqi.Kjo protestë u bë derisa Maqedonia efektivisht e ka ndalur kalimin mëtutje në veri të pjesës më të madhe të migrantëve nga Greqia, gjatë ditëve të fundit.Vitin e kaluar, qindra mijëra migrantë patën kaluar për në pjesën veriore të Evropës, nëpër të ashtuquajturën “rrugë ballkanike”.Por, Maqedonia aktualisht e ka kufizuar fluksin ditor të migrantëve në vetëm 500 vetë, sipas policisë greke.Po ashtu, edhe vendet e tjera mëtutje në veri, i kanë mbyllur kufijtë për pjesën më të madhe të migrantëve. Greqia ka raportuar për mungesa të ushqimit, ujit dhe furnizimeve të tjera në kampe.Bashkimi Evropian më 7 mars e mban një samit të jashtëzakonshëm për situatën me migrantë.