Ndërlidhjet

Vritet presidenti i Haitit


Presidenti i Haitit, Jovenel Moise.
Presidenti i Haitit, Jovenel Moise.

Presidenti i Haitit, Jovenel Moise, u vra në një sulm në shtëpinë e tij, bëri të ditur kryeministri i përkohshëm i këtij vendi.

Claude Joseph tha se rezidenca e presidentit në Port-au-Princ u sulmua nga persona të paidentifikuar.

Zonja e Parë raportohet të jetë plagosur në sulm.

Joseph tha se “janë marrë të gjitha masat për të garantuar qëndrueshmërinë e shtetit”.

Moise, 53 vjeç, ka qenë në pushtet qysh në shkurt të vitit 2017, kur paraardhësi i tij, Michel Martelly, ka dhënë dorëheqje.

Ai është përballur me akuza për korrupsion dhe është sfiduar nga disa protesta anti-qeveritare.

XS
SM
MD
LG