Protesta masive në Izrael pas shkarkimit të ministrit të Mbrojtjes

27 mars 2023

Pamje nga protestat në Izrael. 26 mars 2022.

Dhjetëra mijëra njerëz kanë dalë nëpër rrugët e Izraelit, pasi kryeministri Benjamin Netanyahu, e ka shkarkuar ministrin e Mbrojtjes, Yoav Gallant.

Shkarkimi i tij ka ndodhur pasi Gallant ka folur hapur kundër planeve kundërthënëse të Qeverisë për të ndryshuar sistemin gjyqësor.

Në Jerusalem, policia dhe ushtarët kanë përdorur topa uji kundër protestuesve, afër shtëpisë së Netanyahut.

Mëngjesin e së hënës, presidenti izraelit, Isaac Herzog, i ka bërë thirrje Qeverisë që t'i ndalë reformat.

“Për hir të unitetit të popullit të Izraelit, për hir të përgjegjësisë, u bëj thirrje që ta ndalni menjëherë procesin legjislativ”, ka thënë ai në Twitter, duke shtuar se “sytë e të gjithë izraelitëve janë te ju”.

Shtetet e Bashkuara kanë thënë se janë thellësisht të shqetësuara për këto zhvillime dhe kanë bërë thirrje për kompromis.

Zemërimi i izraelitëve me Netanyahun

1/17 Dhjetëra mijëra njerëz kanë dalë nëpër rrugët e Izraelit, pasi kryeministri Benjamin Netanyahu, shkarkoi ministrin e Mbrojtjes, Yoav Gallant.

2/17 Gallant u shkarkua pasi foli hapur kundër planeve kundërthënëse të Qeverisë izraelite për të ndryshuar sistemin gjyqësor.

3/17 Protestuesit bllokojnë një rrugë ndërsa mblidhen rreth një zjarri gjatë protestave kundër reformës gjyqësore të Qeverisë izraelite në Tel Aviv, Izrael, më 27 mars 2023

4/17 Protestuesit përleshen me policinë gjatë tubimit kundër reformës gjyqësore të qeverisë izraelite në Tel Aviv, Izrael më 27 mars 2023.

Në reforma përfshihen planet që Qeveria izraelite të ketë kontroll në komitetin që emëron gjyqtarët. Netanyahu ka thënë se reformat janë të dizajnuara për t’ua pamundësuar gjykatave një pushtet të plotë dhe se këto ndryshime janë votuar nga publiku në zgjedhjet e fundit. — 5/17 Në reforma përfshihen planet që Qeveria izraelite të ketë kontroll në komitetin që emëron gjyqtarët. Netanyahu ka thënë se reformat janë të dizajnuara për t’ua pamundësuar gjykatave një pushtet të plotë dhe se këto ndryshime janë votuar nga publiku në zgjedhjet e fundit.

Lideri opozitar në Izrael, Yair Lapid, e ka përshkruar shkarkimin e Gallantit si dobësi të re të Qeverisë:<br />
<br />
“Netanyahu mund ta shkarkojë Gallantin, mirëpo nuk mund ta shkarkojë realitetin apo zjarrin e njerëzve të Izraelit, të cilët janë duke i rezistuar çmendurisë së koalicionit”. — 6/17 Lideri opozitar në Izrael, Yair Lapid, e ka përshkruar shkarkimin e Gallantit si dobësi të re të Qeverisë:

“Netanyahu mund ta shkarkojë Gallantin, mirëpo nuk mund ta shkarkojë realitetin apo zjarrin e njerëzve të Izraelit, të cilët janë duke i rezistuar çmendurisë së koalicionit”.

7/17 Pas shkarkimit, Gallant ka thënë në Twitter se “siguria e shtetit të Izraelit ka qenë dhe do të jetë gjithmonë misioni im jetësor”.

8/17 Protestuesit duke u përleshur me forcat e rendit.

9/17 Në drejtim të protestuesve janë hedhur topa uji, Jerusalem, 26 mars 2023.

10/17 Pas protestave të mbajtura jashtë shtëpisë së Netanyahut, protestuesit – shumica duke mbajtur në duar flamuj izraelitë – u janë shmangur forcave policore dhe kanë arritur para ndërtesës së Parlamentit izraelit, të njohur si Knesset.

11/17 Në mëngjesin e së hënës, presidenti izraelit, Isaac Herzog, i ka bërë thirrje Qeverisë që t'i ndalë reformat.

12/17 Izraelitët bllokuan një autostradë gjatë protestës duke kundërshtuar planin e kryeministrit Benjamin Netanyahu për reformën në gjyqësor në Tel Aviv, Izrael, 27 mars 2023. Ministri i Mbrojtjes, Yoav Gallant, i kishte bërë thirrje Netanyahut të ngrinte planin, duke përmendur ndarjet e thella në vend dhe trazirat në ushtri.

Protestuesit me flamuj në duar shihen përreth një zjarri në Tel Aviv. <br />
<br /> — 13/17 Protestuesit me flamuj në duar shihen përreth një zjarri në Tel Aviv.

14/17 Policia izraelite përdori topa uji për t'i shpërndarë demonstruesit që bllokuan një autostradë gjatë protestës kundër planeve të Qeverisë së kryeministrit Benjamin Netanyahu për të reforma n sistemin gjyqësor në Tel Aviv, Izrael, të hënën, 27 mars 2023.

15/17 Pamja nga ajri tregon izraelitët duke protestuar.

16/17 Protestuesit me flamuj kombëtarë në duar të mbledhur rreth një zjarri në Tel Aviv.

Në reforma përfshihen planet që Qeveria izraelite të ketë kontroll në komitetin që emëron gjyqtarët.

Diçka e tillë ua vështirëson gjykatave largimin e një lideri që vlerësohet se nuk është i përshtatshëm për pushtet.

Disa besojnë se një ndryshim i tillë i përshtatet Netanyahut, pasi ai veçse po përballet me gjyqin për korrupsion.

Netanyahu ka thënë se reformat janë të dizajnuara për t’ua pamundësuar gjykatave një pushtet të plotë dhe se këto ndryshime janë votuar nga publiku në zgjedhjet e fundit.

Kryeministri izraelit, Benjamin Netanyahu.

SHIKONI EDHE:

Netanyahu u thotë protestuesve se nuk do ta pranojë “anarkinë”

Pas protestave të mbajtura jashtë shtëpisë së Netanyahut, protestuesit – shumica duke mbajtur në duar flamuj izraelitë – u janë shmangur forcave policore për të arritur para ndërtesës së Parlamentit izraelit, të njohur si Knesset.

Një punëtore qeveritare i ka thënë transmetuesit britanik BBC se beson që Netanyahu “e ka kaluar secilën linjë që kemi në këtë shtet demokratik”.

“Ne jemi duke mbrojtur copën e fundit të demokracisë që kemi, dhe nuk mund të na rrëshqasë kështu. Nuk mund të bëj asgjë derisa të mos e ndalim këtë çmenduri”, ka thënë ajo.

Në Tel Aviv, protestuesit e kanë bllokuar një prej autostradave kyçe për më shumë se dy orë dhe më pas policia i ka larguar ata me topa uji.

Protestat në në Tel Aviv, Izrael. 11 mars 2023.

SHIKONI EDHE:

Për 10 javë rresht izraelitët protestojnë kundër disa ndryshimeve ligjore

Gallant është ish-ushtar, i cili me javë të tëra ka dëgjuar pakënaqësitë e rezervistëve për ndryshimet e propozuara ligjore.

Në fillim të marsit, pilotët luftarakë të ushtrisë janë zotuar se nuk do të marrin pjesë në trajnime, duke shënuar protesta të pashembullta ndaj Qeverisë.

Ata më vonë kanë ndryshuar mendje dhe kanë mbajtur takime me komandantët e tyre.

Gallant ka folur hapur kundër ligjit të shtunën, duke thënë se pjesëtarë të Forcave izraelite të Mbrojtjes, janë të zemëruar dhe të zhgënjyer.

Ish-ministri izraelit i Mbrojtjes, Yoav Gallant.

Netanyahu – i cili ka qenë jashtë shtetit kur Gallant e ka bërë paraqitjen televizive – ka thënë se nuk ka më besim në të si ministër i Mbrojtjes.

Kryeministri izraelit synon që të miratojë legjislacionin e ri, përmes Parlamentit, deri në fund të javës.

Pas shkarkimit, Gallant ka shkruar në Twitter se “siguria e shtetit të Izraelit ka qenë dhe do të jetë gjithmonë misioni im jetësor”.

Lideri opozitar në Izrael, Yair Lapid, e ka përshkruar shkarkimin e Gallantit si dobësi të re të Qeverisë.

“Netanyahu mund ta shkarkojë Gallantin, mirëpo nuk mund të shkarkojë realitetin apo zjarrin e njerëzve të Izraelit, të cilët janë duke i rezistuar çmendurisë së koalicionit”, ka thënë Lapid.

Një zëdhënëse e Shtëpisë së Bardhë ka ngritur shqetësime për situatën.

“Siç e ka thënë edhe presidenti në diskutimet me kryeministrin Netanyahu, vlerat demokratike kanë qenë dhe duhet të mbesin shtylla kyçe në marrëdhëniet SHBA-Izrael”.

Ajo ka shtuar se “ndryshimet thelbësore” në sistemin demokratik duhet të kryhen mbi bazë të mbështetjes së popullit.

“Ne vazhdojmë t’iu bëjmë thirrje liderëve izraelitë që të gjejnë kompromis, sa më shpejt që është e mundur”.

Ndërlidhjet

Na ndiqni

Protesta masive në Izrael pas shkarkimit të ministrit të Mbrojtjes

Zemërimi i izraelitëve me Netanyahun

Netanyahu u thotë protestuesve se nuk do ta pranojë “anarkinë”

Për 10 javë rresht izraelitët protestojnë kundër disa ndryshimeve ligjore

Përgatiti: Krenare Cubolli