Në Prishtinë, aktivistë për të drejtat e grave, qytetarë dhe familjarë në njërës nga gratë që u vra ditëve të fundit, marshuan duke kërkuar drejtësi për gratë e vrara. Kosova u trondit nga dy vrasje, të një shtatzëne 25-vjeçare dhe të një gruaje 80-vjeçare. Në të dy rastet, dorasët e dyshuar janë bashkëshortët e viktimave.
“S’ka paqe pa sigurinë e grave”: Në Prishtinë kërkohet drejtësi për gratë e vrara
5
Pas vrasjeve të fundit, nga Qeveria në detyrë e Kosovës kanë thënë se parandalimi për dhunën ndaj grave dhe dhunën në familje kërkon vigjilencë, përgjegjësi dhe bashkëpunim të plotë mes institucioneve.
6
Që nga viti 2020, Kosova e ka miratuar Konventën e Stambollit, duke e bërë pjesë të Kushtetutës së vendit. Ky instrument, i hartuar nga Këshilli i Evropës, është obligues dhe detyron shtetet që ta luftojnë dhunën ndaj grave dhe dhunën në familje.
7
Sipas të dhënave nga Policia e Kosovës, që nga viti 2010 e deri në gusht të këtij viti, 63 gra janë vrarë në Kosovë nga familjarët e tyre.
8
Ekspertët e sistemit të drejtësisë në Kosovë kanë argumentuar se institucionet nuk po trajtojnë me seriozitet personat me të kaluar kriminale. Dënimet e lehta, sipas tyre, po i “trimërojnë” ata që të vazhdojnë veprimtarinë kriminale.
