Ndërlidhjet

Bie numri i refugjatëve ukrainas në Poloni


Refugjatët ukrainas duke hyrë në Poloni.
Refugjatët ukrainas duke hyrë në Poloni.

Garda Kufitare polake ka thënë se mbi 2.6 milionë njerëz kanë ikur nga Ukraina në Poloni, prej sulmit të paprovokuar të Rusisë në Ukrainë.

Sipas Gardës, numri i njerëzve që kalojnë kufirin drejt Polonisë ka rënë ndjeshëm në javët e fundit dhe se është rritur numri i atyre që po kthehen në Ukrainë.

Të dielën, 28,5000 njerëz kanë hyrë në Poloni, apo 2 për qind më pak sesa të shtunën, ka thënë kjo agjenci në Twitter.

Profesori për kërkime rreth migrimit në Universitetin e Varshavës, Maciej Duszczyk ka vlerësuar që 1.2-1.4 milion ukrainas vazhdojnë të jenë në Poloni.

Çfarë e ndryshoi qasjen e Evropës ndaj refugjatëve?
Ju lutem prisni

No media source currently available

0:00 0:11:24 0:00

Më shumë se 800.000 prej tyre tani janë regjistruar dhe kanë dokumente polake të identifikimit.

Më 24 shkurt, presidenti rus, Vladimir Putin ka urdhëruar atë që e konsideron “operacion special ushtarak” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në shumë vende të botës.

Newsletter

Gjithçka që duhet të dini për temën më të diskutuar të javës jua sjellim të enjteve në tre minuta. Regjistrohuni për t'u informuar të parët!

XS
SM
MD
LG