Mbeturinat mbulojnë Shkupin
Qyteti i Shkupit është gdhirë i mbuluar nga mbeturinat, për të katërtën ditë me radhë, pasi ndërmarrja Higjiena Komunale ishte në grevë. Punonjësit e kësaj ndërmarrjeje kanë pastruar vetëm institucionet shëndetësore. Ndërkaq, pasditen e 10 korrikut, punëtorët konfirmuan se kanë ndërprerë grevën.
1
Punëtorët e Higjienës Komunale, në Shkup, nga e premtja në darkë e deri të hënën pasdite kanë protestuar për të kundërshtuar largimin e mbi 100 të punësuarve, të cilët u shkarkuan nga ana e drejtoreshës së ndërmarrjes publike, Kosana Maznev.
2
Të punësuarit nga ndërmarrja Higjiena Komunale konfirmuan për Radion Evropa e Lirë më 10 korrik se greva u ndërpre dhe punëtorët do të dilnin në terren për të mbledhur mbeturinat.
![“[Kërkojmë të bëhet] rritja e pagave, pagesa e pagës së 13-të, dhe sigurimi i stazhit të benificuar, pasi punonjësit tanë punojnë në kushte shumë të vështira, dhe janë të ekspozuar ndaj sëmundjeve në vazhdimësi”, ka thënë për Radion Evropa e Lirë drejtuesi i sindikatës së punonjësve të Higjienës Komunale, Deli Dardhishta.](https://gdb.rferl.org/01000000-0aff-0242-ab6a-08db81211c79_w1024_q10_s.jpg)
3
“[Kërkojmë të bëhet] rritja e pagave, pagesa e pagës së 13-të, dhe sigurimi i stazhit të benificuar, pasi punonjësit tanë punojnë në kushte shumë të vështira, dhe janë të ekspozuar ndaj sëmundjeve në vazhdimësi”, ka thënë për Radion Evropa e Lirë drejtuesi i sindikatës së punonjësve të Higjienës Komunale, Deli Dardhishta.
4
Drejtoresha e Higjienës Komunale, Kosana Mazneva, ka thënë se nga puna janë larguar vetëm personat që nuk kanë punuar, ndërkohë që kanë figuruar në listën për rroga.
