Ushtria ukrainase duke sulmuar caqet ruse në Bahmut më 24 dhjetor 2022.
Forcat ruse kanë nisur sulme të reja ndaj qyteteve në lindje të Ukrainës, Bahmut dhe Avdijavka, duke u mbështetur nga zjarri i artilerisë, tha Shtabi i Përgjithshëm i forcave të armatosura ukrainase më 27 dhjetor.
Këto sulme të reja vijnë teksa presidenti ukrainas, Volomdymyr Zelensky, tha se miliona civilë janë në errësirë dhe në të ftohtë, pasi Moska ka goditur linjat elektrike dhe infrastrukturën civile.
Forcat ruse kanë kryer dy sulme ajrore dhe 44 sulme me raketa ndaj pozicioneve ukrainase dhe zonave të banuara gjatë 24 orëve të fundit, njoftoi Shtabi i Përgjithshëm. Sipas shtabit, janë goditur 25 vendbanime përreth Bahmutit dhe Avdijavkës, që janë dy pikat qendrore ku Rusia po e përqendron ofensivën e saj në Donjeck.
Luhansku dhe Harkivi janë dy rajonet e tjera, përveç Donjeckut, ku Rusia po sulmon vazhdimisht, tha Shtabi i Përgjithshëm. Ndërkaq, në rajonin jugor të Hersonit, Rusia ka bombarduar zonat e banuara në pjesën e djathtë të Lumit Dnjepër, tha ushtria ukrainase.
Ashpërsohet lufta në Bahmut: "Shpërthime çdo minutë"
1/9Ushtarët ukrainas duke kaluar pranë grafiteve që deklarojnë "Bahmuti e do Ukrainën", më 18 dhjetor.
Si Rusia, ashtu edhe Ukraina, aktualisht po dërgojnë shumë njerëz dhe materiale në luftën për Bahmutin, një qytet në rajonin Donbas të Ukrainës lindore, i cili ka një rëndësi relativisht të vogël ushtarake, por është bërë një simbol i kontestuar ashpër nga të dyja palët.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
2/9Një tank ukrainas i fotografuar në periferi të qytetit të sulmuar.
Forcat pushtuese ruse arritën fillimisht në periferi të Bahmutit në korrik, para se vala e luftës të dukej se po lëvizte në favor të Ukrainës pas disa tërheqjeve ruse.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
3/9Një ndërtesë e rrënuar në Bahmut.
Këto imazhe janë bërë nga fotoreporteri ukrainas Andriy Dubchak për projektin Donbas Frontliner më 18 dhjetor, ndërsa betejat vazhduan të ashpërsohen në periferi të Bahmutit, që ndodhet rreth 65 kilometra nga Donjecku.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
4/9Ushtarët ukrainas duke pushuar në një bazë nëntokësore në Bahmut.
Nga popullsia prej rreth 70.000 banorësh sa ishte në kohë paqeje, vetëm rreth 10.000 njerëz kanë mbetur në qytet.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
5/9Një banor civil në Bahmut duke mbajtur sëpata në duar. Banorët po përdorin trungjet e pemëve për t'u ngrohur dhe për të gatuar ushqim.
Në një postim në rrjetet sociale, fotografi Andriy Dubchak thotë se shpërthime dëgjohen "çdo minutë" në qendër të Bahmutit.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
6/9Xhamat e thyer në një ndërtesë në Bahmut.
Ushtarët ukrainas thonë se forcat ruse, aktualisht, po përdorin taktika shumë të kushtueshme në të cilat ushtarët e trajnuar dobët urdhërohen të përparojnë drejt vijave ukrainase të frontit në mënyrë efektive si "karrem" për të tërhequr zjarrin, duke ndihmuar ushtarët në pjesën e pasme që t'i identifikojnë pozicionet ukrainase.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
7/9Trupat ushtarake duke kaluar pranë një kafeneje të shkatërrar nga granatimet në Bahmut.
Granatimet e vazhdueshme në qendër të Bahmutit, thotë Dubchak, janë "me të vërtetë të çmendura, me të vërtetë të frikshme", sepse "Rusia granaton pa asnjë logjikë".
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
8/9Një burrë duke bartur një degë peme që do ta përdorë për dru zjarri, kurse në murin pranë tij shihet një grafit: "Lavdi Ukrainës!"
Dubchak thotë se arsyet pse po qëndrojnë banorët në qytet janë të ndryshme, si mbrojtja e pronave të tyre apo frika se si do të ishte jeta si një person i zhvendosur brenda vendit. Sipas Dubchakut, ka edhe disa civilë që presin ardhjen e "botës ruse" të premtuar në propagandën e Kremlinit.
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
9/9Një ushtar ukrainas me dorën lart në një bazë ushtarake të nëndheshme.
Luftëtarët ukrainas i thanë Dubchakut se luftimet janë bërë disi më të lehta se në javët e para të pushtimit të vitit 2022, falë furnizimit me armë kryesisht perëndimore dhe përvojës nga betejat që forcat e Kievit e kanë arritur tani.
Megjithatë, Dubchak thotë për qytetin e ngrirë dhe të rrethuar se "Bahmuti është një makth".
Fotoreporteri ukrainas, Andriy Dubchak, i cili raporton nga qyteti i sulmuar i Bahmutit, aktualisht një nga pikat qendrore të pushtimit rus, sjell fotografi nga jeta në këtë qytet.
Përgatiti: Syzanë Paçarizi
Previous slide
Next slide
Ushtria ukrainase tha se i është përgjigjur një sulmi rus pranë Novobilozerkës, në rajonin e Zaporizhjës.
Ministria e Mbrojtjes së Britanisë tha se gjatë dy ditëve të fundit, Luhansku dhe Donjecku kanë qenë subjekt i sulmeve më të rënda ruse, por Moska ka pasur pak sukses.
“Gjatë 48 orëve të fundit, luftimet kanë vazhduar të përqendrohen përreth Bahmutit në Donjeck dhe afër Svatovit në Luhansk. Rusia vazhdon të kryejë sulme të shpeshta në këto zona, edhe pse nuk ka shumë ndryshim sa i përket se kush e kontrollon territorin”, tha inteligjenca britanike.
Ndërkaq, presidenti ukrainas, Volodymyr Zelensky, tha se afër 9 milionë persona kanë mbetur pa energji elektrike për shkak të sulmeve ruse.
Megjithatë, ai shtoi se falë përpjekjeve të inxhinierëve dhe teknikëve ukrainas, reduktimet e energjisë janë duke u zvogëluar.
Duke folur për situatën në frontin e luftës, Zelensky tha se Bahmuti dhe Avdijivka janë zonat që kërkojnë forcën dhe përqendrimin maksimal.
“Situata atje është e vështirë, e dhimbshme. Pushtuesit po përdorin të gjitha burimet që kanë në dispozicion për të avancuar”.
Rusia ka nisur pushtimin e Ukrainës më 24 shkurt dhe që nga tetori ka sulmuar vazhdimisht infrastrukturën e energjisë ukrainase.
