Kurdët festojnë suksesin e zgjedhjeve në Turqi

Kurdët kanë festuar në Turqi pasi partia kryesore kurde HPD, ka fituar ulëset në Kuvendin turk për herë të parë në histori. Partia HDP ka siguruar 13 për qind të votave, duke kaluar 10 përqindëshin e pragut për t'u bërë pjesë e Kuvendit. Ky sukses erdhi pasi Partia për Drejtësi dhe Zhvillim (AKP) e presidentit turk Rexhep Taip Erdogan, ka dështuar të sigurojë shumicën absolute në Kuvend e cila do t’u lejonte që të bënin ndryshime kushtetuese të cilat do ta fuqizonin postin e presidentit. Ndërkaq, partia kryesore kurde, HDP ka arritur të fitojë 13 për qind të votave, duke siguruar kështu 79 ulëse në parlament.