UEFA e dyfishon shpërblimin për Kampionatin Evropian për gra

16 dhjetor 2024

Shpërblimi për Kampionatin Evropian 2025 për gra do të jetë dyfish më i lartë sesa në turneun e kaluar, tha UEFA të hënën.

Në Evropianin e vitit të ardhshëm, 16 ekipe kombëtare do t’i ndajnë 41 milionë euro.

Çdo federatë do t’i fitojë të paktën 1.8 milion euro për pjesëmarrje në Euro 2025 në Zvicër, si dhe është e detyruar t’ua ndajë të paktën 30 për qind të atyre parave futbollisteve të veta, njoftoi shtëpia e futbollit evropian.

Fituesja e Euro 2025 do t’i marrë deri në 5.1 milionë euro.

Fytyrat e Euro 2024: Tifozë nga e gjithë Evropa tregojnë ngjyrat e tyre

1/20 Gëzimi i madh i tifozëve shqiptarë pas golit më të shpejtë të shënuar në kampionat evropian dhe epërsisë së Shqipërisë ndaj Italisë me 1:0. Megjithatë, në fund u gëzuan tifozët italianë. Shqipëria humbi 2:1.

2/20 Një tifoz shqiptar dhe një tifoze kroate, të veshur me ngjyrat e flamujve të kombëtareve të veta, bëjnë një fotografi së bashku jashtë stadiumit, para ndeshjes Shqipëri - Kroaci.

3/20 Dy tifoze të kombëtares së Gjermanisë me fytyra të lyera me ngjyrat e flamurit brohorasin për ekipin e tyre i cili doli fitues me rezultat 2-0 kundër Hungarisë.

4/20 Një foto e përbashkët e tifozëve të Belgjikës dhe të Sllovakisë para fillimit të ndeshjes, të cilën Sllovakia e fitoi me rezultat 1:0.

5/20 Tifozët e Portugalisë janë gëzuar në fund të ndeshjes me Çekinë, të cilën kombëtarja e tyre e fitoi me rezultat 2:1.

6/20 Tifozët e Belgjikës duke brohoritur në përkrahje të kombëtares së tyre në duelin me Sllovakinë.

7/20 Një tifoz i Polonisë para fillimit të ndeshjes me Holandën.

8/20 Një tifoz kreativ i Francës në ndeshjen me Austrinë.

9/20 Një tifoz i lumtur i Sllovakisë pas fitores së kombëtares së tij ndaj Belgjikës me rezultat 1:0.

10/20 Edhe djem të vegjël tifozë u panë në tribuna për të përkrahur kombëtaren daneze.

11/20 Reagimi i një tifozi të Serbisë pas humbjes së kombëtares së tij nga Anglia me 1:0.

12/20 Tifozët italianë patën arsye për t'u gëzuar, pas fitores 2:1 të Italisë ndaj Shqipërisë.

13/20 Mosha nuk është e rëndësishme kur mbështet kombëtaren tënde. Një tifoze në moshë e Austrisë në ndeshjen me Francën.

14/20 Mbështetje e madhe për kombëtaren e Ukrainës, brenda dhe jashtë stadiumit, në ndeshjen ndaj Rumanisë, të cilën rumunët e fituan bindshëm.

15/20 Tifozë të Kroacisë dhe Spanjës bashkë në tribuna. Spanja fitoi 3:0 në këtë ndeshje interesante.

16/20 Në ndeshjen ndërmjet Anglisë dhe Serbisë, në tribunë u panë edhe bashkëshortja dhe nëna e portierit të kombëtares angleze, Jordan Pickford.

17/20 Një tifoz i Turqisë para ndeshjes së kombëtares së tij me Gjeorgjinë.

18/20 Një tifoze e kombëtares së Gjermanisë, e cila luajti kundër Hungarisë.

19/20 Tifozët hungarezë me fytyra të ngjyrosura u fotografuan duke hyrë në stadium për të ndjekur ndeshjen ndërmjet Gjermanisë dhe Hungarisë.

20/20 Një grup tifozësh zviceranë të veshur njëjtë gjatë ndeshjes Skoci - Zvicër.

Klubet, futbollistet e të cilave do të garojnë në këtë turne, gjithashtu do t’i fitojnë rreth 6 milionë euro, apo 657 euro në ditë për futbolliste.

Kjo është një rritje e përgjithshme prej 33 për qind krahasuar me Evropianin e kaluar për gra.

Shpërblimi për Kampionatin Evropian 2024 për burra ishte 331 milionë euro, nga të hyrat e përgjithshme prej rreth 2.4 miliard euro.

Secila nga kombëtaret pjesëmarrëse i fitoi të paktën 9.25 milionë euro, ndërsa fituesja, Spanja, i mori 28.25 milionë euro.

Ndërlidhjet

Na ndiqni

UEFA e dyfishon shpërblimin për Kampionatin Evropian për gra

Fytyrat e Euro 2024: Tifozë nga e gjithë Evropa tregojnë ngjyrat e tyre