OKB: Fëmijëve ukrainas po u mohohet fëmijëria

Fëmijëve në Ukrainë po u mohohet fëmijëria e tyre, tha një përfaqësues nga agjencia e Organizatës së Kombeve të Bashkuara (OKB) për fëmijë, Unicef.

Joe English, i cili ndodhet në qytetin perëndimor të Ukrainës, Lviv, tha për BBC-në se Unicef ka verifikuar vdekjen e 50 fëmijëve që nga pushtimi i Rusisë.

“Ka të ngjarë që numri i vërtetë të jetë shumë më i madh”, tha ai.

"Kjo nuk është një fëmijëri. Ne duhet t’u ofrojmë këtyre fëmijëve paqe dhe një mundësi për të filluar rindërtimin e jetës së tyre”, tha ai.

Embed Shpërndaje

Ukrainasi që humbi familjen nga sulmi rus flet për tragjedinë

Embed Shpërndaje

Kodi u kopjua.

---

gjerësia px lartësia px

---

Adresa u kopjua

No media source currently available

0:00 0:05:47 0:00

Zyra e Prokurorit të Përgjithshëm të Ukrainës, tha se të paktën 107 fëmijë janë vrarë dhe më shumë se 120 janë plagosur prej kur Rusia ka pushtuar Ukrainën më 24 shkurt.

Shumica e viktimave janë raportuar në Kiev, Harkiv, Donjeck, Çernihiv, Sumi, Herson, Mikollaiv dhe Zhitomir.

Mbi 410 institucione edukative janë dëmtuar nga bombardimet dhe 63 janë të shkatërruara plotësisht.

Të paktën 11 spitale besohet të jenë bombarduar, po ashtu.

Një sulm ajror rus ka goditur një spital të lindjes në qytetin ukrainas të Mariupolit, më 9 mars, duke shkatërruar objektin e maternitetit dhe duke shkaktuar vdekjen e tre personave, si dhe lëndimin e 17 të tjerëve, sipas zyrtarëve të qytetit. “Që nga sot, ne e dimë se pas bombardimit terrorist nga avionët rusë në spitalin e fëmijëve në Mariupol ka 17 viktima – fëmijë, gra, mjekë – dhe tre vdiqën, mes tyre një fëmijë, një vajzë”, thanë zyrtarët ukrainas, më 10 mars. (Përgatiti: Trim Haliti)