Ndërlidhjet

Vajzave u pamundësohet kthimi në shkollat e mesme në Afganistan


Disa vajza të shkollës fillore shihen brenda një klase në Kabul.

Vajzave nuk u është mundësuar kthimi në shkollat e mesme në Afganistan, pasi udhëheqësit talibanë në këtë shtet kanë marrë vendim që vetëm djemtë dhe mësuesit burra të kthehen nëpër klasa, transmeton agjencia e lajmeve AFP.

Grupi i linjës së ashpër islamike ka rrëzuar Qeverinë e përkrahur nga Perëndimi muajin e kaluar, duke u zotuar për ton më të butë, për dallim nga vitet 1990, kur grave u është ndaluar edukimi dhe puna.

Mirëpo një urdhër nga Ministria e Edukimit, ka qenë veprimi i fundit nga Qeveria e talibanëve, që përbën kërcënim për të drejtat e grave.

“Të gjithë mësuesit burra dhe nxënësit duhet të marrin pjesë në institucionet edukative”, është thënë në deklaratë, para se të niste mësimi të shtunën.

“Burka nuk është kulturë afgane”
Ju lutem të prisni

No media source currently available

0:00 0:03:50 0:00

Në deklaratën e lëshuar të premten vonë, nuk janë përmendur mësueset apo nxënëset.

Shkollat e mesme, me nxënës të moshave nga 13 deri në 18-vjeçare, zakonisht ndahen në baza gjinore në Afganistan.

Gjatë pandemisë së koronavirusit, ato janë mbyllur vazhdimisht, mirëpo mbyllja më e madhe është vërejtur prej ardhjes së talibanëve në pushtet.

Prej ndërhyrjes së Shteteve të Bashkuara në Afganistan më 2001, është raportuar për përparim të konsiderueshëm në edukimin e vajzave.

Tani që misioni amerikan ka përfunduar dhe talibanët janë kthyer në pushtet, Kombet e Bashkuara kanë thënë se janë “thellësisht të shqetësuara” për të ardhmen e shkollimit të vajzave.

Shkollat fillore tashmë janë hapur me klasa të ndara të djemve dhe vajzave.

Në disa shkolla janë kthyer në punë edhe mësueset gra.

Regjimi i ri ua ka ndaluar grave shkuarjen në universitete private, si dhe u ka caktuar rregull të ri për veshje dhe lëvizje.

XS
SM
MD
LG