Lista e fituesve është bërë e ditur në ngjarjen më prestigjioze të ndarjes së çmimeve për fotogazetari. Çmimi kryesor i shkoi fotografit australian Ëarren Richardson. Fotografia fituese e Richardsonit, e cila asnjëherë nuk është publikuar,tregon një migrant duke e kaluar një foshnje nën telat gjemborë të gardhit, në kufirin Serbi-Hungari. Sikurse dhe fotografi të tjera që portretizojnë krizën me migrantë, fotografitë e përfshira këtu tregojnë një balenë dhe foshnjen e saj duke e ndarë detin me zhytësit, pastaj një stuhi kërcënuese në afërsi të Sidneit, dhe një përballje shumë simbolike në rrugët e Çikagos.
Fotot më të mira të 2015-s
1
Fotografia e vitit 2015, e Shtypit Botëror, dhe çmimi i parë për “lajmin ekzkluziv nga vendi i ngjarjes” u fitua nga fotografi i pavarur, Warren Richardson, për këtë imazh. Fotografia, e cila u shkrep pothuajse në errësirë, tregon një migrant duke e kaluar një foshnje nën telat gjemborë të gardhit, në kufirin Serbi-Hungari, në Roszke. (28 gusht 2015)
2
Çmimi i parë për kategorinë “Lajm i Përgjithshëm” i fitua nga fotografi i pavarur brazilian, Mauricio Lima, për fotografinë e tij që e tregon një militant të Shtetit Islamik, duke u trajtuar në një spital kurd, në periferi të Hasakas në Siri. (1 gusht 2015)
3
Çmimi i parë për storjen më të mirë në kategorinë “Lajm i Përgjithshëm” u fitua nga fotografi i pavarur rus, Sergei Ponomarev. Fotografia tregon një zyrtar policor slloven, mbi një kalë, duke shoqëruar migrantët, pasi kishin kaluar kufirin me Kroacinë. (20 tetor 2015)
4
Çmimi i dytë për storjen më të mirë në kategorinë “Lajm i Përgjithshëm” i takoi fotografit sirian të AFP-së, Abd Douma. Fotografia tregon një viktimë të luftës civile në Siri, në qytetin Douma. (22 gusht 2015)
