Në xhaminë e Mustafë Pashës në Shkup, imami Mustafa Tarik ka falur i vetëm namazin e taravisë në mbrëmjen e 25 prillit, për shkak të masave të ndërmarra për ndaljen e përhapjes së koronavirusit. Në kohën kur ka nisur Muaji i Ramazanit, në Maqedoninë e Veriut, të gjitha ritet fetare po bëhen pa praninë e besimtarëve. Megjithatë, imami Tarik ka gjetur mënyrën që edhe në kohën e pandemisë të jetë pranë besimtarëve, duke mbajtur ligjërata çdo natë përmes rrjeteve sociale.
