Ndërlidhjet

Rajonet
site logo site logo
E mëparshme E ardhshmja
Lajmi i fundit
Lajme

Zelensky: Rusia mund t’i intensifikojë sulmet në Ukrainë

Presidenti ukrainas, Volodymyr Zelensky.
Presidenti ukrainas, Volodymyr Zelensky.

Presidenti ukrainas, Volodymyr Zelensky, ka thënë të shtunën se ka mundësi që Rusia të rrisë shkallën e sulmeve në verilindje të Ukrainës, pas fitoreve të fundit që i ka shënuar afër qytetit të Harkivit.

Trupat ushtarake ruse kanë tentuar të avancojnë në fushëbetejë, teksa forcat ushtarake ukrainase janë përballur me mungesë të armëve për sulm dhe mbrojtje.

Zelensky e ka pranuar se ekzistojnë probleme me stafin ushtarak dhe moralin e tyre, duke shtuar se një pjesë e brigadave ekzistuese janë të thata.

Ai i ka thënë agjencisë së lajmeve AFP se flota ajrore e vendit të tij po përballet me mungesa dhe u ka bërë sërish thirrje vendeve aleate që të dërgojnë më shumë aeroplanë luftarakë.

“Sot ne kemi vetëm rreth 25 për qind të asaj që na duhet për ta mbrojtur Ukrainën”, ka thënë Zelensky teksa i ka komentuar kapacitetet ajrore të Ukrainës.

“Në mënyrë që Rusia të mos ketë superioritet ajror, flotës sonë i duhen 120 deri në 130 aeroplanë modernë”.

Shtetet e Bashkuara e kanë miratuar së fundmi një paketë ndihme për Ukrainën, në vlerë të 61 miliardë dollarëve, në të cilën përfshihen edhe pajisjet ushtarake.

Si duket pakoja 61-miliardëshe amerikane për Ukrainën

Automjete rezistente ndaj minave (MRAP).
1/21 Automjete rezistente ndaj minave (MRAP).
Pajisje që ndihmojnë për të parë në errësirë.
2/21 Pajisje që ndihmojnë për të parë në errësirë.
Raketa kundërajrore Stinger.
3/21 Raketa kundërajrore Stinger.
Predha mortajash 60 milimetra.
4/21 Predha mortajash 60 milimetra.
Raketa për mbrojtje ajrore të llojit AIM-9 Sidewinder.
5/21 Raketa për mbrojtje ajrore të llojit AIM-9 Sidewinder.
Armë të vogla dhe municione shtesë, duke përfshirë fishekë të kalibrit 0.50 milimetra për të luftuar dronët ajrorë.<br /> <br /> Në këtë fotografi shihet një ushtar ukrainas duke kryer sulm me një mitraloz Browning të kalibrit 0.50 të prodhuar në Shtetet e Bashkuara.
6/21 Armë të vogla dhe municione shtesë, duke përfshirë fishekë të kalibrit 0.50 milimetra për të luftuar dronët ajrorë.

Në këtë fotografi shihet një ushtar ukrainas duke kryer sulm me një mitraloz Browning të kalibrit 0.50 të prodhuar në Shtetet e Bashkuara.
Plumba artilerie 155 milimetra.
7/21 Plumba artilerie 155 milimetra.
Armë antitank i modelit AT4, që mund të lëvizet prej njeriut.
8/21 Armë antitank i modelit AT4, që mund të lëvizet prej njeriut.
Automjete me lëvizshmëri të lartë (HMMWV), që njihen si Humvee.
9/21 Automjete me lëvizshmëri të lartë (HMMWV), që njihen si Humvee.
Automjete luftarake të këmbësorisë të llojit Bradley.
10/21 Automjete luftarake të këmbësorisë të llojit Bradley.
Plumba artilerie 105 milimetra.
11/21 Plumba artilerie 105 milimetra.
Municione për sistemet raketore të artilerisë me lëvizshmëri të lartë (HIMARS).
12/21 Municione për sistemet raketore të artilerisë me lëvizshmëri të lartë (HIMARS).
Municione precize ajrore. Në fotografi duket një bombë e drejtuar&nbsp;me lazer e llojit, AGM-123A Skipper II.
13/21 Municione precize ajrore. Në fotografi duket një bombë e drejtuar me lazer e llojit, AGM-123A Skipper II.
Mina kundër automjeteve të blinduara.<br /> <br /> Nuk dihet sasia e pajisjeve të tilla që do të dërgohen në Ukrainë. Në këtë fotografi shihen dy ushtarë duke mbledhur minat anti-tank.
14/21 Mina kundër automjeteve të blinduara.

Nuk dihet sasia e pajisjeve të tilla që do të dërgohen në Ukrainë. Në këtë fotografi shihen dy ushtarë duke mbledhur minat anti-tank.
Pajisje për lëshim të raketave TOW.
15/21 Pajisje për lëshim të raketave TOW.
Raketa për mbrojtje ajrore të llojit&nbsp; RIM-7 Sea Sparrow.
16/21 Raketa për mbrojtje ajrore të llojit  RIM-7 Sea Sparrow.
Pajisje demolimi për shmangie të pengesave.<br /> <br /> &nbsp;
17/21 Pajisje demolimi për shmangie të pengesave.

 
Pajisje mbështetëse ajrore. Nuk dihet lloji i saktë i pajisjeve të tilla që do të dërgohen.<br /> <br /> Në fotografi shihet një model i një pajisjeje të tillë,&nbsp;që përdoret për energji elektrike dhe shtypje të ajrit nëpër aeroplanë ushtarakë amerikanë.
18/21 Pajisje mbështetëse ajrore. Nuk dihet lloji i saktë i pajisjeve të tilla që do të dërgohen.

Në fotografi shihet një model i një pajisjeje të tillë, që përdoret për energji elektrike dhe shtypje të ajrit nëpër aeroplanë ushtarakë amerikanë.
Sisteme portative antitak, Javelin.
19/21 Sisteme portative antitak, Javelin.
Automjete logjistike mbështetëse, por edhe këtu nuk dihet modeli i saktë që do të dërgohet.<br /> <br /> Në fotografi shihet një kamion ushtarak, i modelit LVSR, që përdoret për pjesë zëvendësuese.
20/21 Automjete logjistike mbështetëse, por edhe këtu nuk dihet modeli i saktë që do të dërgohet.

Në fotografi shihet një kamion ushtarak, i modelit LVSR, që përdoret për pjesë zëvendësuese.
Mina të modelit Claymore.<br /> <br /> Në mesin e armëve që do të nisen drejt Ukrainës janë edhe &ldquo;pjesë rezervë, pajisje për mirëmbajtje dhe pajisje tjera ndihmëse&rdquo;.<br /> &nbsp;
21/21 Mina të modelit Claymore.

Në mesin e armëve që do të nisen drejt Ukrainës janë edhe “pjesë rezervë, pajisje për mirëmbajtje dhe pajisje tjera ndihmëse”.
 
Previous slide
Next slide

Forcat ruse kanë nisur javë më parë ofensivën verore dhe kanë marrë kontrollin e disa fshatrave në frontin verilindor të Ukrainës, afër Harkivit – qytetit të dytë më të madh në shtet.

Guvernatori rajonal i Harkivit, Oleg Synegubov, ka thënë të shtunën se gati 10.000 njerëz janë urdhëruar të largohen brenda një jave.

“Situata po kontrollohet prej mbrojtësve të Ukrainës”, ka shtuar ai.

Ndërkohë, kryeministri polak, Donald Tusk, ka bërë të ditur se vendi i tij do të shpenzojë 2.3 miliardë dollarë për të forcuar kufirin lindor kundër “armiqve potencialë”.

Polonia është në kufi me Rusinë, Bjellorusinë dhe Ukrainën.

Lufta në Ukrainë ka nisur më 24 shkurt të vitit 2022.

Presidenti rus Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

​
XS
SM
MD
LG