Ndërlidhjet

Zelenskyi u bën thirrje bashkëvendësve ta mbrojnë Ukrainën


Presidenti ukrainas, Volodymyr Zelenskiy.

Presidenti ukrainas, Volodymyr Zelenskiy, ka njoftuar se ka ndërprerë marrëdhëniet diplomatike me Moskën dhe u ka bërë thirrje qytetarëve ukrainas të mbrojnë shtetin kundër sulmit rus, duke thënë se do ofrohen armë për t’iu bashkuar luftimeve.

Në një adresim televiziv më 24 shkurt, Zelenskyi u ka bërë thirrje rusëve “që nuk kanë humbur nderin” që të protestojnë kundër sulmit ushtarak të Rusisë ndaj Ukrainës.

Zelenskiy i ka thënë kombit se Ukraina ka përjetuar “humbje serioze” nga sulmet ruse dhe ka bërë thirrje për donacione të gjakut.

Një këshilltar i Zelenskyit ka thënë se rreth 40 ukrainas janë vrarë në orët e para të sulmit.

Zyrtarët ukrainas kanë thënë se ushtria e shtetit është duke luftuar kundër rusëve dhe ka bërë thirrje për ndihmë për mbrojtje nga Perëndimi.

Në disa pamje të shfaqura në mediat e Perëndimit janë parë kolona të gjata me makinë në rrugë jashtë Kievit.

Shtetet fqinje kanë thënë se janë duke u përgatitur për të strehuar mijëra persona nga Ukraina.

Sulmi i Moskës ndaj Ukrainës ka nisur në orët e para të 24 shkurtit.

Raketat janë nisur në aeroporte dhe infrastrukturë ushtarake në rreth 25 qytete.

Presidenti rus, Vladimir Putin ka urdhëruar “operacion special” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në gjithë botën.

Shtetet e Bashkuara dhe aleatët e kanë paralajmëruar sanksione të ashpra kundër Moskës.

XS
SM
MD
LG