Ndërlidhjet

Zvicra miraton martesat e gjinisë së njëjtë


Dy lezbike duke qëndruar në një restorant në Cyrih, Zvicër.
Dy lezbike duke qëndruar në një restorant në Cyrih, Zvicër.

Pothuajse dy të tretat e votuesve zviceranë, kanë përkrahur martesën mes gjinisë së njëjtë, në një referendum të mbajtur në fundjavë.

Rreth 64 për qind e votuesve kanë përkrahur këtë propozim, duke e bërë kështu Zvicrën një nga vendet e fundit në Evropën Perëndimore që legalizon martesën mes gjinisë së njëjtë.

Pjesëtarë të fushatës për këto martesa kanë përshëndetur votimin, duke e konsideruar moment historik për të drejtat e komunitetit LGBT (homoseksual, lesbike, biseksual dhe transgjinor) në këtë shtet.

Grupet e kishave dhe partitë politike konservatore, kanë kundërshtuar idenë, duke thënë se dëmton familjen tradicionale.

Zvicra u ka mundësuar çifteve të gjinisë së njëjtë që të regjistrojnë partneritetin nga viti 2007, mirëpo disa të drejta kanë qenë të kufizuara.

Vendimi i ri ua mundëson këtyre çifteve që të adoptojnë fëmijë.

Zvicra tani është kthyer në vendin e 30-të në botë që ka lejuar martesa të tilla.

Përgjatë 20 vjetëve të fundit, shumica e vendeve në Evropën Perëndimore kanë miratuar martesat e gjinisë së njëjtë.

Megjithatë, në Zvicër shumë vendime të mëdha miratohen përmes referendumeve, dhe ky proces i ngadalëson ndryshimet në legjislaturë.

XS
SM
MD
LG