Dronët tokësorë ukrainas dërgojnë furnizime dhe evakuojnë të plagosur nën sulme ruse

Radio Evropa e Lirë ka përcjellë ushtarë të Brigadës së 117-të të Mekanizuar të Ukrainës, teksa ata angazhonin dronë tokësorë në pozicione në vijën e frontit, në rajonin e Donjeckut. Automjetet e telekomanduara bartin municione dhe furnizime nëpër rrugë të cenuara nga dronë rusë – dhe përdoren, po ashtu, për evakuimin e ushtarëve të plagosur kur një gjë e tillë është shumë e rrezikshme të bëhet nga njerëzit. (Përgatiti: Ibrahim Berisha)