Autoritetet ligjzbatuese kanë thënë të hënën se një grua është vrarë dhe një tjetër është lënduar pasi ishin sulmuar nga një familjar i veti në një fshat të qytetit veriperëndimor të Kosovës, Klinë.
Në njoftime të ndara për media, Policia dhe Prokuroria njoftuan se i dyshuari është arrestuar dhe ai është dërguar në spitalin e psikiatrisë në Pejë, ku po mbahet nën mbikëqyrjen e oficerëve.
Ai dyshohet për vrasje të rëndë dhe vrasje në tentativë, thanë autoritetet.
Policia tha se i dyshuari ia kishte vënë zjarrin shtratit ku po qëndronte motra e tij, dhe pastaj kishte kaluar në një dhomë tjetër ku e kishte goditur nënën e vet me mjete të forta pasditen e së dielës.
Si pasojë e plagëve të djegies nga zjarri, vajza ka vdekur të hënën në Qendrën Klinike Universitare në Prishtinë, ndërsa nëna ka pësuar lëndime të rënda trupore.
SHIKONI EDHE:
Ligjet u ndryshuan, siguria e grave jo“Sot, me datёn 07.07.2026, Policia ёshtё njoftuar se vajza e cila kishte lëndime nga zjarri, nuk ka mundur t’iu mbijetojë plagёve dhe ka ndёrruar jetё, kёtё e ka konstatuar ekipi mjekësor”, tha Policia.
Policia shtoi se, edhe pse prokurori i shtetit tё dyshuar i shqiptoi masën e ndalimit prej 48 orёsh, "pёr shkak tё gjendjes sё tij tё rёnduar psiqike, ai ёshtё vendosur nё spitalin rajonal nё Pejё, nё repartin e psikiatrisё nё përkujdesje tё personelit mjekёsor, nёn mbikëqyrjen e zyrtarёve policorë".
Prokuroria tha se i ka kërkuar gjykatës të caktojë masë të paraburgimit ndaj të dyshuarit.
Kjo vrasje më pak se një muaj pasi dy gra u vranë në vend nga familjarët e vet: një 25-vjeçare shtatzënë dhe një 80-vjeçare.
Për të dyja vrasjet dyshohen bashkëshortët e viktimave - njëri 26 dhe tjetri 81 vjeç. I pari dyshohet se e vrau gruan me armë zjarri, ndërsa i dyti duke përdorur forcë fizike.
Në përgjithesi, kjo është gruaja e pestë që vritet ketë vit.
SHIKONI EDHE:
Kush janë burrat që vrasin gra?Që nga viti 2010 e deri në gusht të këtij viti, sipas të dhënave të Policisë së Kosovës, 63 gra janë vrarë në Kosovë.
Organizatat për mbrojtjen e të drejtave të njeriut, në disa raste, kanë fajësuar autoritetet për dështim në mbrojtjen e grave të rrezikuara nga dhuna.
Pas vrasjeve të fundit, nga Rrjeti i Grave të Kosovës kërkuan që shteti të parandalojë dhunën ndaj grave, e jo të reagojë pas tragjedive.