Qytetarë të shumtë, vërshuan rrugët dhe sheshet në Prishtinë për të festuar 16-vjetorin e shpalljes së pavarësisë së Kosovës. Në mbarë shtetin po mbahen organizime të ndryshme, përfshirë seanca solemne të Qeverisë dhe Kuvendit, por edhe koncerte dhe aktivitete të tjera për të shënuar këtë ditë. Në rrugët e kryeqytetit të Kosovës shumë qytetarë u panë me flamuj të Kosovës dhe fëmijë të veshur me ngjyrat e flamurit.
Shënimi i përvjetorit të pavarësisë në Prishtinë
Një fëmijë në sheshet e Prishtinës duke mbajtur në duar një flamur të shtetit të Kosovës në përvjetorin e 16-të të shpalljes së pavarësisë së Kosovës.
Më 17 shkurt, qytetarë të shumtë dolën në sheshet e Prishtinës për të festuar përvjetorin e pavarësisë së Kosovës.
Një person mban një balonë me hartën e Kosovës.
Një fëmijë i vogël, me veshje kombëtare, në sheshin e Prishtinës.
Një djalë me tupan duke krijuar atmosferë festive për 16-vjetorin e shpalljes së pavarësisë së Kosovës.
Një person me bluzë ku shkruan Kosova, teksa kalon në sheshet e Prishtinës.
Sheshet, por edhe rrugët e tjera kryesore, u stolisën me flamuj të Kosovës dhe Shqipërisë.
Në sheshet e Prishtinës, më vonë gjatë 17 shkurtit do të organizohet edhe një koncert.
Një veturë e stolisur me flamurin e Kosovës dhe atë të Shqipërisë duke kaluar nëpër një rrugë në Prishtinë.
Obelisku New Born, këtë vit është pikturuar me pamje të qyteteve të ndryshme, si simbolikë për liberalizimin e vizave për qytetarët e Kosovës.
Flamuj të Kosovës dhe Shteteve të Bashkuara të vendosura në kryeqytetin e Kosovës, Prishtinë.
Disa fëmijë të veshur me ngjyrat e flamurit të Kosovës.
Një vajzë e veshur me ngjyrat e flamurit të Kosovës, doli të festojë 16-vjetorin e shpalljes së pavarësisë së Kosovës.
Në sheshet e Prishtinës, përveç flamujve të Kosovës, u vendosën edhe flamuj të SHBA-së, Britanisë dhe Shqipërisë.
Një vajzë me flamurin e Kosovës dhe kapelë ushtarake duke ecur në sheshet e Prishtinës.
Një grua me shall me flamurin e Kosovës.