Lendi Susuri është dizajnues grafikash i Radios Evropa e Lirë në Prishtinë.
Marrja e një vize të nevojshme për udhëtim në Evropë, një qytetari të Kosovës i kushton qindra euro dhe deri në disa muaj kohë. Radio Evropa e Lirë e ka dokumentuar procesin e mbledhjes së dokumenteve dhe aplikimin për vizë turistike në shtetin e Zvicrës deri te rezultati final i këtij aplikimi.
Rusia ka nisur pushtimin e Ukrainës më 24 shkurt. Një muaj më pas: mijëra njerëz të vrarë; miliona të zhvendosur; banesa, spitale, shkolla e rrugë të shkatërruara. Si çoi fiksimi i presidentit rus me Ukrainën në një operacion të madh ushtarak në Evropë, të paparë që nga Lufta e Dytë Botërore?
Lajmet për vendimin e Rusisë për të njohur rajonet separatiste të Ukrainës si dy entitete të pavarura nxitën një “luftë online” në Ballkanin Perëndimor rreth pavarësisë së Kosovës.
Nëse Bitcoin do të ishte shtet, ai do të renditej ndër 30 të parët në botë për përdorim të energjisë. Është struktura e decentralizuar e Bitcoinit ajo që e bën atë të harxhojë aq shumë rrymë. Ju shpjegojmë se si ndodh kjo.
Pas disa muajve të rëndë të pandemisë, më 2021 gjithë çka u është dashur njerëzve ka qenë shpresa dhe buzëqeshjet në fytyrë. Pandemia nuk është mposhtur, por njerëzit kanë nisur të mësohen me këtë situatë dhe kanë pasur sy edhe për gjëra tjera.
Çmimet e shumë produkteve të konsumit janë rritur së fundmi në Kosovë. Qytetarët e kanë komentuar në lloj-lloj mënyrash këtë situatë, derisa Qeveria e Kosovës ka thënë se është duke punuar për t’iu ndihmuar atyre.
Në tokë, në ajër, në mal, në fshat apo në qytet, Kosova po ballafaqohet me ndotje të madhe, të bërë nga qytetarët e saj. Për dy muaj, Radio Evropa e Lirë ka filmuar disa lokacione në gjithë vendin, ku shihet shkatërrimi i natyrës. Hedhja e mbeturinave në rrugë, djegia e maleve, ndotja nga tymtarët e KEK-ut, lumenjtë e shndërruar në kanalizime, dhe rreziku nga materiale tjera toksike, tashmë janë përditshmëri në Kosovë. Njerëzit kanë filluar të jetojnë me to.
Pak minuta pas rënies së sistemeve të platformave Facebook, Messenger, WhatsApp dhe Instagram, muhabeti dhe shakatë për këtë gjë janë bartur në platformën tjetër Twitter, si asnjëherë më parë. Në këtë material i kemi përmbledhur disa prej tyre.
Që nga viti 2008 kur Kosova ka shpallur pavarësinë, Prishtina ka ndërmarrë disa aksione në përpjekje për ta vënë nën kontroll të plotë veriun e vendit. Disa nga këto përpjekje kanë përfunduar me vrasje.
Jacob Wallis nga Instituti Australian për Politika Strategjike, ka thënë në një intervistë për Radion Evropa e Lirë se ka të dhëna që shtetet po shfrytëzojnë grupe me pagesë nëpër rrjetet sociale – që kryesisht përhapin dezinformata - me qëllim të shtrirjes së ndikimit.
Universiteti i Prishtinës dhe Kisha Ortodokse Serbe po përballen në gjykatë lidhur me të drejtën e shfrytëzimit të tokës ku gjendet edhe kisha e papërfunduar ortodokse. Ky proces pritet të përcaktojë edhe të ardhmen e objektit të kishës, që gjendet afër kampusit të universitetit.
Qeveria e Kosovës planifikon ta padisë Serbinë për gjenocid. Kjo fjalë u përdor për herë të parë pas Luftës së Dytë Botërore, për të përshkruar mizoritë naziste ndaj hebrenjve.
Eksperti për Ballkanin Bodo Weber, ka thënë në një intervistë për Radion Evropa e Lirë se mbajtja eventuale e zgjedhjeve të reja në Kosovë, nuk është në të mirë të partive opozitare.
Këshilluesi i Kosovës në rrugën drejt pavarësisë Nicholas Whyte, ka thënë se Qeveria e re e kryeministrit të Kosovës Albin Kurti, do të gjykohet nga veprat dhe se vetë Kurti duhet të ketë kujdes nga premtimet që bën.
Nga lider i studentëve, i burgosur në Serbi e disa herë në Kosovë, deri tek opozitari që hodhi gaz lotsjellës në Parlament - ky është rrugëtimi i Albin Kurtit, i cili u zgjodh kryeministër për herë të dytë.
Viti 2020 ka qenë si asnjë tjetër që e kemi jetuar deri më tani. Një lloj koronavirusi është përhapur brenda muajsh në shumicën e vendeve në botë, duke na vështirësuar secilin hap të jetës.
Hashim Thaçi, Kadri Veseli, Jakup Krasniqi, Rexhep Selimi si dhe Salih Mustafa janë ndër udhëheqësit kryesorë të Ushtrisë Çlirimtare të Kosovës që po përballen me akuza për krime lufte dhe krime kundër njerëzimit në Gjykatën Speciale në Hagë.
Shfaq më shumë
