Kosova ka nevojë për koordinata të sakta të integrimit të saj në Bashkimin Evropian, deklaroi kryeministri Hashim Thaçi gjatë takimit të Këshillit ndërministror për integrime evropiane. Ai tha se konfirmimi i perspektivës evropiane nuk është i mjaftueshëm dhe kërkoi nga Brukseli që t’ia njohë Kosovës të drejtën e nënshkrimit të marrëdhënieve kontraktuale me BE-në.
Konfirmimi i perspektivës evropiane nga ana e Brukselit nuk i mjafton Kosovës në rrugën e saj drejt integrimit në Bashkimit Evropian, deklaroi kryeministri Hashim Thaçi.
Ai rikonfirmoi edhe një herë se e ardhmja e Kosovës është integrimi i saj në BE, por nga Brukseli kërkoi që, përveç konfirmimit të shprehur rreth perspektivës evropiane, Kosovës t’i jepen koordinatat e këtij integrimi.
Këto komente, Thaçi i bëri gjatë takimit të gjashtë të Këshillit ndërministror për integrime evropiane. Ai tha se Kosova mbetet ende vendi i vetëm pa marrëdhënie kontraktuale me Bashkimin Evropian.
“Perspektiva evropiane e Kosovës për anëtarësim në BE është konfirmuar në vazhdimësi në të gjitha nivelet. Sidoqoftë, konfirmimi ende nuk është i mjaftueshëm. Kosova ka nevojë për koordinata të sakta të këtij qëllimi. Përkundër partneritetit dhe marrëdhënieve të ngushta me BE-në, Kosova mbetet i vetmi vend pa marrëdhënie kontraktuale me BE-në”, deklaroi Thaçi.
Kryeministri paralajmëroi departamentet dhe organet tjera përgjegjëse në procesin e përmbushjes së kritereve evropiane, të parapara edhe në Raportin e Progresit, se mospuna eventuale e tyre nuk do të tolerohet.
Kosova nuk mund të mbetet jashtë procesit integrues për shkak të ndonjë individi apo departamenti, u shpreh Thaçi.
”Në asnjë mënyrë nuk do të lejojmë që agjenda evropiane e Kosovës të pësojë për shkak të mospunës së ndonjë individi, departamenti apo institucioni. Gjatë muajve të mbetur, Ministria e Integrimit Evropian do të ketë mandat e përkrahje të plotë në monitorimin dhe raportimin e zbatimit të obligimeve të secilit institucion”, tha Thaçi.
Pas takimit të Këshillit ndërministror, ministrja e Integrimeve Evropiane, Vlora Çitaku, tha se Kosova do të jetë në gjendje që deri në shtator, kur Komisioni Evropian do të njoftohet me të arriturat në zbatimin e Raportit të Progresit, të përmbyllë me sukses përmbushjen e shumë sfidave.
Ajo u shpreh optimiste se Kosova do të jetë gati edhe për marrëveshje kontraktuale me BE-në.
“Ne besojmë fuqishëm se do të arrijmë t’i plotësojmë kriteret për fillimin e dialogut dhe avancimin e dialogut tregtar; pastaj, të arrijmë të hyjmë në marrëdhënie kontraktuale me Bashkimin Evropian përmes fitimit të mundësisë për t’u përfshirë në programet e komunitetit, si dhe në marrjen e udhërrëfyesit të shumëpërfolur për liberalizimin e vizave”, theksoi Çitaku.
Duke pasur parasysh se integrimi në BE mbetet një proces shumë më i gjatë, ajo çfarë kosovarët aktualisht presin, është përfshirja në liberalizimin e vizave.
Ministrja Çitaku tha se Kosova ka shënuar përparime të dukshme në plotësimin e kritereve teknike. Por, ajo rikujtoi se pa udhërrëfyesin, të cilin Kosova po e pret nga Brukseli, vendi nuk mund të përfshihet në këtë proces.
”Marrja e udhërrëfyesit nuk është në dorën tonë. Komisioni Evropian, përkatësisht Këshilli i Ministrave, është ai që merr vendimin për hapjen e dialogut. Pra, ne po e bëjmë njëanshëm punën tonë”.
“Unë ju siguroj se pas marrjes së udhërrëfyesit, i cili është vendim i Komisionit Evropian, jo për 15 muaj, por për një afat edhe më të shkurtër do t’i përmbushim kriteret, në mënyrë që qytetarët tanë të lëvizin lirshëm”, tha Çitaku.
Në aspektin e përgjithshëm, sfida kryesore e Kosovës në proceset integruese mbetet mosnjohja e saj nga pesë vende anëtare të BE-së. Ndërkaq, në aspektet e brendshme, raportet e progresit të Komisionit Evropian tregojnë se Kosova duhet të shënojë përparime në legjislacion, në fushën e sundimit të ligjit, në luftimin e krimit të organizuar dhe korrupsionit, në ngritjen e një sistemi gjyqësor të pandikuar nga politika, në mosndërhyrje në punën dhe lirinë e mediave, si dhe në fushën e prokurimit publik.
Andaj, vetëm rrumbullakimi i njohjeve nga të gjitha vendet e BE-së dhe përmbushja e kritereve të brendshme do t’i siguronin Kosovës një perspektivë të qartë evropiane.
Konfirmimi i perspektivës evropiane nga ana e Brukselit nuk i mjafton Kosovës në rrugën e saj drejt integrimit në Bashkimit Evropian, deklaroi kryeministri Hashim Thaçi.
Ai rikonfirmoi edhe një herë se e ardhmja e Kosovës është integrimi i saj në BE, por nga Brukseli kërkoi që, përveç konfirmimit të shprehur rreth perspektivës evropiane, Kosovës t’i jepen koordinatat e këtij integrimi.
Këto komente, Thaçi i bëri gjatë takimit të gjashtë të Këshillit ndërministror për integrime evropiane. Ai tha se Kosova mbetet ende vendi i vetëm pa marrëdhënie kontraktuale me Bashkimin Evropian.
Përkundër partneritetit dhe marrëdhënieve të ngushta me BE-në, Kosova mbetet i vetmi vend pa marrëdhënie kontraktuale me BE-në.
“Perspektiva evropiane e Kosovës për anëtarësim në BE është konfirmuar në vazhdimësi në të gjitha nivelet. Sidoqoftë, konfirmimi ende nuk është i mjaftueshëm. Kosova ka nevojë për koordinata të sakta të këtij qëllimi. Përkundër partneritetit dhe marrëdhënieve të ngushta me BE-në, Kosova mbetet i vetmi vend pa marrëdhënie kontraktuale me BE-në”, deklaroi Thaçi.
Kryeministri paralajmëroi departamentet dhe organet tjera përgjegjëse në procesin e përmbushjes së kritereve evropiane, të parapara edhe në Raportin e Progresit, se mospuna eventuale e tyre nuk do të tolerohet.
Kosova nuk mund të mbetet jashtë procesit integrues për shkak të ndonjë individi apo departamenti, u shpreh Thaçi.
”Në asnjë mënyrë nuk do të lejojmë që agjenda evropiane e Kosovës të pësojë për shkak të mospunës së ndonjë individi, departamenti apo institucioni. Gjatë muajve të mbetur, Ministria e Integrimit Evropian do të ketë mandat e përkrahje të plotë në monitorimin dhe raportimin e zbatimit të obligimeve të secilit institucion”, tha Thaçi.
Pas takimit të Këshillit ndërministror, ministrja e Integrimeve Evropiane, Vlora Çitaku, tha se Kosova do të jetë në gjendje që deri në shtator, kur Komisioni Evropian do të njoftohet me të arriturat në zbatimin e Raportit të Progresit, të përmbyllë me sukses përmbushjen e shumë sfidave.
Ajo u shpreh optimiste se Kosova do të jetë gati edhe për marrëveshje kontraktuale me BE-në.
“Ne besojmë fuqishëm se do të arrijmë t’i plotësojmë kriteret për fillimin e dialogut dhe avancimin e dialogut tregtar; pastaj, të arrijmë të hyjmë në marrëdhënie kontraktuale me Bashkimin Evropian përmes fitimit të mundësisë për t’u përfshirë në programet e komunitetit, si dhe në marrjen e udhërrëfyesit të shumëpërfolur për liberalizimin e vizave”, theksoi Çitaku.
Duke pasur parasysh se integrimi në BE mbetet një proces shumë më i gjatë, ajo çfarë kosovarët aktualisht presin, është përfshirja në liberalizimin e vizave.
Ministrja Çitaku tha se Kosova ka shënuar përparime të dukshme në plotësimin e kritereve teknike. Por, ajo rikujtoi se pa udhërrëfyesin, të cilin Kosova po e pret nga Brukseli, vendi nuk mund të përfshihet në këtë proces.
”Marrja e udhërrëfyesit nuk është në dorën tonë. Komisioni Evropian, përkatësisht Këshilli i Ministrave, është ai që merr vendimin për hapjen e dialogut. Pra, ne po e bëjmë njëanshëm punën tonë”.
“Unë ju siguroj se pas marrjes së udhërrëfyesit, i cili është vendim i Komisionit Evropian, jo për 15 muaj, por për një afat edhe më të shkurtër do t’i përmbushim kriteret, në mënyrë që qytetarët tanë të lëvizin lirshëm”, tha Çitaku.
Në aspektin e përgjithshëm, sfida kryesore e Kosovës në proceset integruese mbetet mosnjohja e saj nga pesë vende anëtare të BE-së. Ndërkaq, në aspektet e brendshme, raportet e progresit të Komisionit Evropian tregojnë se Kosova duhet të shënojë përparime në legjislacion, në fushën e sundimit të ligjit, në luftimin e krimit të organizuar dhe korrupsionit, në ngritjen e një sistemi gjyqësor të pandikuar nga politika, në mosndërhyrje në punën dhe lirinë e mediave, si dhe në fushën e prokurimit publik.
Andaj, vetëm rrumbullakimi i njohjeve nga të gjitha vendet e BE-së dhe përmbushja e kritereve të brendshme do t’i siguronin Kosovës një perspektivë të qartë evropiane.