Ndërlidhjet

Obama vs. Romney: Fushatë e furishme në SHBA


Debati Obama - Romney
Debati Obama - Romney
Presidenti Barack Obama dhe rivali i tij nga Partia Republikane Mitt Romney kanë nisur dy javët e fushatës intensive para 6 nëntorit, kur amerikanët do të votojnë për presidentin e tyre të ardhshëm.

Pjesa më e madhe e fushatës pritet të përqendrohet në 10 të ashtuquajturat “shtete të lëkundura”, ku anketat sugjerojnë se as Obama e as Romney, nuk kanë siguruar shumicën në mesin e votuesve të mundshëm.

Në këto shtete hyjnë Ohio, Florida, Karolina e Veriut, Virxhinia, Iowa dhe Nevada.

Sondazhet fillestare tregojnë se shumica e shikuesve mendojnë se Obama ka treguar performansë më të fortë në debatin e fundit presidencial mbi politikën e jashtme, që u mbajt të hënën.

Por, ndihmësit e dy kandidatëve besojnë se pala e tyre është fituese.

Sondazhet e opinionit tregojnë se kandidatët po zhvillojnë një garë të ngushtë, për të fituar 270 votat elektorale, të nevojshme për të siguruar presidencën.

Obama kërkoi të martën që të votohet, duke marrë parasysh besimin, dhe tha se katër vjetët e kaluara të udhëheqjes së tij kanë demonstruar, se ai është i aftë në kryerjen e punës si komandant I përgjithshëm i SHBA-së.
Barack Obama
Barack Obama


Nuk ka çështje më serioze në një fushatë presidenciale sesa besimi. Besimi është i rëndësishëm. Ju doni të dini se personi që kërkon të bëhet presidenti juaj dhe komandant i përgjithshëm, është i besueshëm, se ai e ka me gjithë mend atë që e thotë, dhe nuk flet, varësisht nga rrethanat, nëse ato janë të përshtatshme apo jo”, u shpreh presidenti Obama, në Dayton.

Ai gjithashtu e filloi një sulm të ashpër ndaj Romney-t, duke tentuar ta portretizojë biznesmenin dhe ish-guvernatorin e Masaçusetsit si një njeri të së kaluarës.

Politika e tij e jashtme është ajo e viteve të ’80-ta, para se të merrte fund Lufta e Ftohtë. Politikat e tij sociale janë ato të viteve të ’50-ta, ndërsa politikat ekonomike janë të viteve të ’20-ta".

" Ai e di se kjo nuk shitet, edhe pse këto janë qëndrimet e tij, andaj në javët përmbyllëse të fushatës, po bën çdo gjë që mundet për të fshehur qëndrimet e tij të vërteta dhe po na thotë atë që ai mendon se ju doni të dëgjoni dhe pastaj e kalon shumicën e kohës duke na thënë se çfarë mendon se është e gabuar me Amerikën
”, tha Obama.

Duke folur të martën në Henderson të Nevadas, Romney hodhi poshtë sulmet e Obamës, duke thënë se presidenti nuk ka artikuluar një agjendë për të ardhmen.

Mitt Romney
Mitt Romney
Ai denoncoi sulmet e Obamës si veprime të dëshpëruara të një kandidati që e di se fushata e tij po lëkundet.

Sulmet ndaj meje nuk janë agjendë. Ne tashmë i kemi zhvilluar katër debate, kemi pasur katër debate nënpresienciale dhe debatet e mia—dhe nuk kemi dërguar një agjendë nga presidenti. Andaj, fushata e tij po fundoset si një barkë, ndërsa, fushata jonë, po ecën me shpejtësi të plotë përpara”, u shpeh kandidati republikan.

Ne do ta kthejmë Amerikën, do ta kthejmë këtë vend duke siguruar vende të mira pune, duke qenë të fuqishëm jashtë shtetit, duke mbështetur ushtrinë tonë. Amerika po kthehet, ky është një ekip i kthimit".

"Unë e dua Amerikën. Unë besoj në ju. Besoj se ditët tona të ndritshme janë para nesh. Ju faleminderit shumë. Natyrisht se ju dua. Faleminderit që jeni këtu
”, ka thënë Romney.(a.i.)
XS
SM
MD
LG