Ambasadori i SHBA-ve thotë se nuk ka bojkot të Soçit
Ambasadori i SHBA-ve në Rusi, Michael McFaul, ka folur për gjendjen aktuale të marrëdhënieve dypalëshe, për Olimpiadën në Soçi dhe për krizën në Ukrainë. Në një intervistë me shërbimin rus të Radios Evropa e Lirë, McFaul, i hodhi poshtë thashethemet për një bojkot të mundshëm të SHBA-ve në Olimpiadën Dimërore. Ai konfirmoi se Shtetet e Bashkuara do të dërgojnë një delegacion presidencial për ceremoninë e hapjes, që do të mbahet në vendpushimin e Detit të Zi të Rusisë, Soçi, në shkurt, por tha se nuk është vendosur ende kush do të jetë në krye të këtij delegacioni.