Në kujtim të viktimave të krimeve seksuale gjatë luftës

Manifestimet për 16-vjetorin e përfundimit të luftës kanë nisur me inaugurimin e instalacionit artistik "Mendoj për Ty", në stadiumin e qytetit të Prishtinës, me ekspozimin e mijëra fundeve dhe fustaneve, në shenjë nderimi për viktimat e dhunës seksuale gjatë luftës në Kosovë. Instalacioni është realizuar nga artistija Alketa Xhafa - Mripa, dhe është mbështetur edhe nga presidentja e Kosovës, Atifete Jahjaga, e cila kryeson Këshillin Kombëtar për të Mbijetuarit e Dhunës Seksuale. Në Prishtinë sot gjithashtu u bë edhe inaugurimi i memorialit "Heroinat", i cili nderon sakrificën dhe kontributit e gjithanshëm të gruas gjatë luftës së vitit 1998-1999.