Vrasja me gurë e gruas afgane

Një video amatore tregon vrasjen me gurë të një gruaje në qytetin Firoz-Koh të provincës Ghor në Afganistan, më 25 tetor. Qeveria afgane ka fajësuar militantët talibanë për vrasjen. Policia ka thënë se gruaja, e identifikuar si Rokhshana, ka ikur nga shtëpia me të fejuarin e saj, në përpjekje për të gjetur një vend për t’u martuar. Një zyrtar lokal ka thënë se militantët e kanë akuzuar atë për marrëdhënie seksuale paramartesore. Videoja është siguruar nga Shërbimi i Afganistanit i Radios Evropa e Lirë.