Vizita e Princit Charles në Kosovë

Princi britanik, Charles, dhe bashkëshortja e tij, Camilla, gjatë vizitës së tyre në Kosovë janë takuar me presidenten e vendit, Atifete Jahjaga dhe politikanë të tjerë vendorë. Presidentja Jahjaga ka dekoruar Princin e Charles me Urdhrin për Paqe, Demokraci dhe Humanizëm “Dr. Ibrahim Rugova”, për kontributin e tij jetësor në përkrahje të paqes, harmonisë dhe mirëkuptimit ndërmjet popullit të Kosovës dhe më gjerë. Gjatë vizitës së tij në Prishtinë, e cila është e fundit në kuadër të turneut të tij gjashtë ditor në shtetet e Ballkanit, Princi Charles është takuar me familjarët e të pagjeturve, e gjithashtu edhe me ushtarët e KFOR-it, në bazën ushtarake “Film City” në Prishtinë. Princi Charles ka vënë kurora me lule në memorialin kushtuar ushtarëve britanikë që dhanë jetën gjatë misionit të tyre në Kosovë. (Pamjet, RTK)