Ndërlidhjet

Aksion policor për lirimin e pronave të uzurpuara


Pamje nga aksioni policor
Ju lutem të prisni
Embed

No media source currently available

0:00 0:00:47 0:00

Pamje nga aksioni policor

Policia e Kosovës ka marrë një aksion për lirimin e pronave që dyshohet se janë të uzurpuara, ka thënë për Radion Evropa e Lirë, Baki Kelani, zëdhënës në Policinë e Kosovës.

"Policia e Kosovës në bashkëpunim më Prokurorinë dhe Agjencinë Kosovare të Privatizimit, është duke realizuar një aksion policor në dy rajone të Kosovës, që përfshinë disa lokacione për lirimin e pronave që dyshohet se janë të uzurpuara”, ka thënë Kelani.

Ndryshe, sipas të dhënave të AKP-së janë 170 prona të uzurpuara, nga 116 persona fizik dhe 54 persona juridik.

Në anën tjetër, përmes një komunikate për media, po ashtu nga Policia e Kosovës thuhet se "drejtoria për Hetimin e Krimit të Organizuar ka sekuestruar pasuri të përfituar nga krimi i organizuar".

“Drejtoria për Hetimin e Krimit të Organizuar, ka zhvilluar hetime intensive që nga viti i kaluar, ndaj një grupi mirë të organizuar i të dyshuarve për vepra penale të krimit të organizuar si fajde, detyrim, kanosje dhe mashtrim. Për këtë rast deri më tani janë arrestuar nëntë persona të dyshuar e të cilët janë në proces gjyqësor”, thuhet në komunikatë.

Sektori i Hetimeve të Integruara Financiare, ka vazhduar me identifikimin e pasurisë të këtij grupi kriminal e që dyshohet se ka prejardhje nga veprimtaria kriminale.

Kështu, “në bashkëveprim me Agjencinë për Administrimin e Aseteve të Sekuestruara dhe të Konfiskuara dhe në përkrahje të njësive tjera policore, në bazë të urdhëresës nga gjykata kompetente, me 5 maj, Policia e Kosovës ka ndërmarrë operacionin e quajtur “Kristal” dhe ka sekuestruar pasurinë e përfituar nga ana e të dyshuarve me vepra penale të krimit të organizuar”, sqarohet në komunikatë.

Operacioni policor është zhvilluar në rajonin e Prizrenit, me këtë rast janë sekuestruar, parcela tokash, një objekt, një hotel, një restaurant.

Lidhur me këtë rast, thuhet në komunikatë, ka pasur edhe sekuestrime të mëhershme të pasurisë, e cila dyshohet të jetë përfituar në mënyrë të kundërligjshme si; para të gatshme në vlerë prej 303.235,00 euro, po ashtu para të gatshme prej 1.100,00 franga zvicerane, 700 gram ari dhe shtatë vetura zyrtare.

Komentet (6)

Ky forum është mbyllur
XS
SM
MD
LG