Shënimi i festës së Bajramit në Kosovë

Në Kosovë sot po shënohet festa e Fitër Bajramit, e cila vjen pas muajit të shenjtë, për myslimanë, të Ramazanit. Qindra qyetatarë myslimanë kanë bërë sot faljen e namazit nëpër xhami të ndryshme të Prishtinës, madje disa edhe nëpër rrugë, në rastet kur xhamitë kanë qenë të mbushura. Myftiu i Kosovës, Naim Tërnava, ka mbajtur një ligjëratë për besimtarët që janë mbledhur në Xhaminë e Madhe në Prishtinë, dhe u ka bërë thirrje qytetarëve të Kosovës që të kenë më shumë solidaritet me njëri tjetrin.