Agjencia e lajmeve Associated Press raporton se në fillim të protestës në Uashington, turma e kishte mbushur në tërësi rrugën e marshimit, duke iu pamundësuar organizatorëve që të udhëhiqnin turmën drejt Shtëpisë së Bardhë.
Ndërkohë, fitues i Grammy-t, Angelique Kidjoo, e ka argëtuar turmën me një version optimist të Sam Cooke's A, "Change Is Gonna Come".
Aktivistët në Prishtinë, Pragë eTbilisi morën pjesë në marshimet simotra, duke iu bashkuar protestave të shumta globale kundër presidentit të sapo-inauguruar të SHBA-së, Donald Trump.
Olson: Mobilizim global, organizim lokal
Koordinatori i Marshit të grave në Washington dhe bashkëpunëtor në organizimin e marshit në Gjenevë, Karen Olson, tha për Radion Evropa e Lirë(Shërbimi për Ballkanin) se në Gjenevë marshuan rreth 2,000 njerëz, më shumë se sa pritej.
"Në Gjenevë, ne kemi vendosur të mbajmë një marshim të grave në mënyrë që të krijojmë një platformë se të drejtat e grave janë të drejta të njeriut dhe se ne duhet të jemi vigjilentë për t'i mbrojtur të drejtat e njeriut dhe ato civile të të gjitha krijesave në këtë klimë të pasigurisë, për shkak të rritjes së populizmit në mbarë botën, që vepron si një bartës i racizmit, seksizmit, jotolerancës, ksneofobisë, nacionalizmit dhe izolimit...", tha Olson.
"Në Gjenevë, ne besojmë se formula e vjetër e 'Mendo globalisht, vepro lokalisht', është shndërruar tashmë në një 'mobilizim global, të organizuar në vend," shtoi Olson.
Pamje drejtpërdrejt nga marshi...
Facebook Forum