Hana Qerimi është 29 vjeçare dhe drejton Shkollën Digjitale që ofron mësime për programim për fëmijë. Ajo thotë për Radion Evropa e Lirë se gratë ndërmarrëse në Kosovë shpesh mund të përballen me sfida dhe paragjykime, por të cilat i mund kualiteti i punës. Qerimi ka inkurajuar femrat të merren me sektorin e Teknologjisë Informative, si profesion shumë i kërkuar në tregun e punës.