Kryeministrja e Zelandës së Re, Jacinda Ardern ka thënë se 49 persona kanë vdekur dhe 20 të tjerë janë plagosur rëndë si pasojë e disa të shtënave në dy xhami në qytetin, Kristçërç. Ajo e ka përshkruar këtë ngjarje si sulm terrorist dhe një nga “ditët më të rënda” për këtë vend. Ajo ka thënë se katër persona tani janë në mbajtje, të cilët dyshohet se kanë pikëpamje ekstremiste.