Ndërlidhjet

Kryeministri britanik duhet të vazhdojë vetizolimin


Kryeministri britanik, Boris Johnson, duke punuar nga shtëpia.

Kryeministri britanik, Boris Johnson, do të mbetet i vetizoluar, pasi vazhdon të ketë simptoma të koronavirusit, përfshirë temperaturë.

Johnson ka dalë pozitiv në testin për koronavirus të premten e kaluar dhe është dashur të dalë sot nga vetizolimi.

“Edhe pse ndjehem më mirë dhe i kam kaluar shtatë ditët e izolimit, vazhdoj të kem simptoma të lehta”, tha Johnson në një video të postuar në Twitter.

“Kam ende temperaturë, kështu që në përputhje me këshillat e qeverisë, duhet të vazhdoj izolimin tim derisa të kalojë kjo simptomë”, shtoi Johnson.

Ai vazhdon të punojë nga shtëpia dhe, mëngjesin e së premtes, ka kryesuar një takim për koronavirusin.

Johnson po ashtu u bëri thirrje qytetarëve britanikë që të mos dalin nga shtëpitë.

Britania, si edhe vende të tjera të botës, po përballet me një koronavirus, që shkakton sëmundjen e njohur si COVID-19.

Distancimi fizik është cilësuar si masë për frenimin e përhapjes së sëmundjes, e cila deri më tash ka vrarë mbi 54,000 njerëz në gjithë botën.

XS
SM
MD
LG